Het varken van Madonna

Van Wikipedia
Naar navigatie springen Naar zoeken springen

Het varken van Madonna is e Vlamsche film uut 2011 van Frank Van Passel. D' hoofdrolle wordt gespeeld deur Kevin Janssens. De film is de 9ste november 2011 in première gegoan.

D'Historie speelt hem of in de Madône in Langemark, moa d'ipnoames vo de film zyn elders gemakt, ounder andere in Houtem by Veurn.

De West-Vlamsche acteurs, lik Peter Bulckaen, Wim Opbrouck, Marijke Pinoy, Marc van Eeghem, Jozef Demaré, klapn West-Vlams in de film. Flip Kowlier makte voe de film e West-Vlamsche cover van Born to be Alive van Patrick Hernandez: "Geboorn voe te leevn".

Verhoal[bewerkn | brontekst bewerken]

Handelsverteegnwoordiger Tony Roozen wordt deur zyn bedryf noa West-Vloandern gezoundn vor e nieuw product "Porky" te promootn. Porky is e gerobotiseerd zwyntje dat e geure ofgift die de seksuele drift van zwyns verhoogt.

By 't dorptje Madône krygt Tony ottopech in de veldn. Je zoekt hulpe moa je gerakt verwikkeld in e discuusje tusschn den burgemêester, de garagist, de paster en de jufrouw van 't dorpsschooltje over plann vor 'n ottostrade an te legn die dweis deur 't dorp lopt. E poar kerkhoovn van den Êeste Weireldoorloge zoudn ton weg moetn en ook 't round punt me 't Madonnabeeld, woa dan de geloovign hunder gebeedn in deponeern.

Maria Glorie, de jounge en snelle dorpsleraresse, is teegn 'n ottoboane deur 't dorp en ze wil ter alles an doen vo de restantn van de Grôotn Oorloge in êre t' houdn.

'n Ander belangryk personage in de film is Prosper, de roundzwervende ziele van e gesneuvelde soldoat die zyn geroamte kwyt is. Je komt regelmoatig e babbeltje sloan met Tony over de gruweln dat hy hem destyds meemakte binst den oorloge.

Rolverdêlienge[bewerkn | brontekst bewerken]

Acteur Personage
Kevin Janssens Tony Roozen
Wine Dierickx Maria Glorie
Nico Sturm Prosper
Elise Bottu Gusta
Marc Van Eeghem Garagist Persijn
Wim Opbrouck Burgemêester
Twiggy Bossuyt Vrouwe van den Burgemêester
Peter Van den Eede Paster
Jozef Demaré Nestor
Rudi Delhem Roland Van Wachtebeke
Ille Geldhof Vrouwe Van Wachtebeke
Peter Bulckaen Pol Nachtegaele
Marijke Pinoy Berta Nachtegaele
Bruno Vanden Broecke Andy
Jan Vandendriessche Valère
Frank Focketyn Frans Fierens
Charlotte Vandermeersch Bea
Johana Lesage Melanie
Maria Vanhooren Schôonmoeder van den Burgemêester
Thierry De Coster Presentateur Promofilm