Jan Robert Calloigne

De vismart van Brugge, ountwerp van Jan Robert Calloigne

Grafschrift vo Calloigne in de Sint-Salvatorskathedroale van Brugge

Jan (Jean) Robert Calloigne, (Brugge, 31 meie 1775 - Antwerpn, 26 ogustus 1830) was e West-Vlamschn beeldhouwer en stadsarchitect van Brugge. Je was hofbeeldhouwer van keunienk Willem I.

Je gienk noa d'academie van Brugge en Gent en loater ook noa Parys. In 1807 het ie de Prys van Rome gewonnen. Van 1808 toet 1811 het ie in de 'Villa Medici' in Rome geweund. Vanof 1814 was't ie directeur van d'academie van Brugge en stadsarchitect.

Werk

• De Vismarkt van Brugge (1821)
• Beeld van Jan van Eyck ip 't binnenpling van de Stedelike Academie in de Katelynestroate in Brugge gemakt in 1820. 't Beeld stound êest in den hof van d' Academie in de Poortersloge. In 1857 is 't deur keunienk Leopold I plechtig ing'huldigd gewist ip de Jan Van Eyckplatse. In 1878 is 't beeld doa vervangn deur da van Hendrik Pickery. Vo da 't verhuusd is noa de Katelynestroate, het 't nog 'n ende gestoan ip de Burg neffest de plekke woa da de Sint-Donoaskerke stound, woa da Jan van Eyck in 1441 begroavn is.
• Beeld in marmer van Maria en kiend, (1.30 m) van 1820 in 't Groeningemuseum in Brugge
• Standbeeld van Egmont in Zottegem (1872)

Ofbeeldiengn die ier by passn ku je vien in de categorie Jan-Robert Calloigne van Wikimedia Commons.