Vismarkt (Brugge)

Van Wikipedia
Naar navigatie springen Naar zoeken springen
De Vismarkt gezien vanof de Blende-Ezelstroate.
't Binnenpling van de vismarkt.
De nog nie overdekte vismarkt in 1750.
De vismarkt nu

De Vismarkt in Brugge ligt tusschen de Broambergstroate en de Steenouwersdyk en wordt toet ip vandage iederen dag - va moandag toet zoaterdag - gebruukt voe de verkôop van vessche vis.

Neffest de visverkôop wordt d'overdekte colonnoade nog gebruukt voer etalage van olle soartn marchandise, gelik brocante en schilderytjes, woaby da vorol gefocust wordt ip de toeristn.

Overdekt[bewerkn | brontekst bewerken]

Toet 1745 wierd de vismarkt g'oudn ip de groate markt en aad den visverkoopgilde zyn gildeuus an de nôordkant van da pling, by de verdween'n Sint-Christoffelkerke.

Dazelfste joar veruusde de vismarkt noa de Broamberg, woa da toe tonne de koarnmarkt was. In 1821 kwam 't er een overdekte verkôopplatse, no 't oentwerp van stadsarchitect Jan Robert Calloigne. Dovoarn wierd de vis in open lucht verkocht. Round 't pling zyn der nu viswienkels en café's.

Ôostvlêeshuus[bewerkn | brontekst bewerken]

Den ôostkant van de Broamberg, de Vismarkt van vandage, wierd ol vanip 't ende van de 14de eeuwe ingepakt deur 't Ôostvlêeshuus. Ip 't ende van d' 18e eeuwe woarn ze van plang een hoger gebouw ip te richtn. Met uutzoenderienge van 't gebouw ip den oek met de Steenhouwersdyk, wierd da noois gerealisird. De latste restantn van 't middelêeuws gebouw woarn verdween'n in 1913.

't Westvlêeshuus stoend ip 't Simon Stevinspling.

Literateure[bewerkn | brontekst bewerken]

  • Albert SCHOUTEET, De straatnamen van Brugge. Oorsprong en betekenis, Brugge, 1977
  • Frans DEBRABANDERE, Brugse plaatsnamen, in: Brugge die Scone, juni 2013.

Externe lienk[bewerkn | brontekst bewerken]

Wikimedia Commons