Jan de Witte

Van Wikipedia
Naar navigatie springen Naar zoeken springen

Jan de Witte (Brugge, 6 ogustus 1475 - Brugge, 16 ogustus 1540) was e Brugschn dominicoan.

In de 13e êeuwe han de vier grôte mannelikke bedelordn under in Brugge gevestigd: franciscoann, dominicoann, karmelietn en augustynn. De dominicoann of predikheren stichtegn under Brugs Predikherenklôoster in 1234 ip e stik ground an de Langestroate, juste buutn de vroegere Oude Meulnpôorte.

Jan de Witte weunde woa da de schole St-André nu is ip de Garenmarkt an d’Eekhoutreie die ton nog deure liep ounder d’Eekhoutstroate. An den andern kant van de reie lag ’t domein van d’Eekhoutabdye.

Jan De Witte was lêermêester en biechtvoader van de zusters van Keizer Karel V in Parys. Christoffel Colombus ha Cuba ip z’n êeste reize in 1492 ountdekt en Jan de Witte wierd tout êerstn bisschop van Cuba benoemd. J’het er verzekers nôois geresideerd, mo je krêeg ’t ols belônienge vo beweezn dienstn. ’t Gebouw woa dat ie weunde wierd van ton ‘t Hof van Cuba genoemd.

Achter z’n dôod het ie geld noageloatn vor e schole ip te richtn. J'is begroavn in de kerke van ’t Predikherenklôoster.