KVK Ieper

Dit artikel es geschreevn in 't Ypers, en da zou best ozô bluuvn.

KVK Ieper wos 'n enigstn foetbolploeg van Yper-steej. 't Wos e fusieploeg ountstoan in 1974 uut White Star en Cercle Yper.

In 2013 fusioneerdn Blue Star Poperinge en KVK Ieper ounder de noame KVK Westhoek.

Informoasche[bewerkn | brontekst bewerken]

Kleurn[bewerkn | brontekst bewerken]

Yper speelde in 't rood en in 't wit.

Pling[bewerkn | brontekst bewerken]

Ze speelnde lange up 't Minnepling (an 't gevang, binn d'oude stadsmeurn); ze moestn weg van 't Minnepling omda 't Atheneum moe kunn uutbreidn. Van september 2008 vors speeln ze up e nieuw pling by Picanols. D'inuldiging wos up 4 september met e match teegn Club Brugge, dan ze me 1-3 verloorn. 'n Eestn officieeln match wos teegn Couvin-Mariembourg (in bevorderienge), e match die Yper me 4-0 wonne.

Competiesche[bewerkn | brontekst bewerken]

2011-2012[bewerkn | brontekst bewerken]

Yper begunt sterk ant seizoen mo kent doarachter ook vele slechte periodes. Twidde periodekampioenschap win ze met 25 puntn achter 10 matchn. Ze zyn dus al zeker van d'eindronde. Yper verliest in de twidde ronde teegn Coxyde in de verlengingn.

2010-2011[bewerkn | brontekst bewerken]

Yper wint 8 van zyn eerste 10 matchn en is ezo periodekampioen en meugt dus ol zeker no d'eindrounde. In de twidde periode goat het e bitje miender, Yper verliest oundermêer van Ath en van Péruwelz-Mouscron en endigt op de vierde plekke ant ende van de competitie. In de eindronde verliezn ze in de twidde ronde van Olympia Wijgmaal.

2009-2010[bewerkn | brontekst bewerken]

Yper begunt froai goed an de competiesche en et achter 7 speeldoagn 11 punten, woamei dan ze up de vuufde plekke stoan, vodder in 't joar gienk het vele miender en uuteindelik stoegn ze up 't ende van de competiesje up e degradoasjeplekke en moeste were no vierde.

2008-2009[bewerkn | brontekst bewerken]

Yper begunt goed an de competiesche en stoat achter 4 speeldoagn gedeeld an kop. Achter 10 matchn winn ze de periodetitel deur Toeroet te kloppn me 0-5 en en ze 23 puntn. In de reste van de competiesje doen ze 't nie ol te goed en ze verliezn nog e masse plekkn. D'eindrounde moetn ze in Poperienge speeln omdan de wormes die voun e betere drainage up 't pling esmeetn zyn, enoeg tyd moetn krygn voun gangn in de ground te groavn. Yper a gin probleemn voun in Poperienge te speeln, want ze wonn me 3-0 teegn Hoei. In de twidde rounde moestn ze no Hamoir (die in derde klasse espeeld at) en doateegn dein z' e drowtje en wonn ze met de pinanties. Ezo promoveerde Yper ounverwacht no derde.

2007-2008[bewerkn | brontekst bewerken]

Yper speelt ol van in 't begun van 't sezoen goed, mo ze moetn toet up de virn speeldag wachtn up nunder eeste overwinnienge, teegn Oarelbeke. KVK Ieper ountsloat Luc Vanthomme, Hans Mullier komt de nieuwn trainer. Yper endigt in zyn eeste sezoen in vierde up de 10ste plekke.

2006-2007[bewerkn | brontekst bewerken]

Yper speelt kampioen me 72 puntn, 3 meer of Eernegem. Voor 'n latstn speeldag an ze olletwee 69 puntn, mor Eernegem verloor tuus me 2-4 teegn Knokke, Yper et ewonn teegn Moale me 0-5. In 2007-2008 speelt Yper dus were in 4de klasse.

2005-2006[bewerkn | brontekst bewerken]

Yper komt uut twidde en endigt met eevnvele puntn lyk kampioen Yzegem, mo z'en e match miender ewonn en moetn dus d'eindrounde speeln. In die eindrounde vliegn ze deruut teegn Wielsbeke.