KV Mechelen
KV Mechelen (officieel Yellow Red Koninklijke Voetbalclub Mechelen) is e foetbolploeg uut Mecheln die voun 't moment in de Belgische Êeste Klasse speelt. De ploeg is ountstoan in 1904 (juuste lik 'n aarn club uut Mecheln, Racing) en e zyn grotste successn adde in de joarn 40 (3 kirs kampioen) en round 't joar 1990, met e landkampioenschap en de Beker der Bekerwinnaars.
Mecheln speelt zyn thuusmatchn in 't AFAS stadion, die beter ekend is ounder de bynoame Achter de Kazerne. 't Kunn 14 145 menschn binn.
Geschiedenisse
[bewerkn | brontekst bewerken]KV Mechelen is upericht in 't joar 1904 ounder de noame Football Club Malinois en met 't stamnumerô 25. 't Deurde tout 1921 vôorn dan ze in Êeste Klasse rochtn, mo ze degradeerdn rechtet were no Twidde. Ezô blêef dadde en endetje deurn, dan ze weg en were gienkn. 't Wos in de joarn 40 dan ze voun 'n êeste kêe e sterke periode an, ze wonn 't landkampioenschap drie kirs.
In 1970 vervlamschte de noame tout KV Mechelen. 't Wos oofweug de joarn 80 da Mecheln en echtn topclub kwame in België, surtout deur 't geld va 'n vôorzitter, John Cordier (uprichter van Telindus) en 'n trainer, Aad De Mos. In 1987 wonn ze 'n beker (teegn Club Luik) en woarn ze 'n twin in de competiesche, twi puntjes achter Anderlecht. 't Joar derup woarn ze were 'n twin, achter Club Brugge, mo wonn ze wel 'n Beker der Bekerwinnaars, in Stroatsburg me 1-0 teegn Ajax Amsterdam met e golle van Piet Den Boer. 'n Zomer derup wonn ze oek 'n Europeeschn Supercup, teegn PSV Eindhoven. In 't sezoen derachter wonn ze wel 't kampioenschap (vôorn Anderlecht), in Europa rochtn ze in d'ove finalles, woa dan ze deruut vlôogn teegn Sampdoria Genua. In 't sezoen 89-90 muchtn ze voun 'n êeste kêe in 'n Europabeker voun Landskampioenn speeln en doarin gienkn ze deruut teegn AC Milan in de kwartfinalles. Mechelen blêef nog êentige joarn e Belgischn topper, mor achter dat Cordier gin geld mir in 'n ploeg stak, gienk et zêre achteruut en in 97 degradeerdn ze no Twidde.
Nog vuuf joar loater woarn ze bykan van de boundlystn eschript deurdan ze indeliks vele schuldn ann. Drie bekende KV Mechelen fanoatn (Mark Uytterhoeven, Piet Den Boer en Fi Van Hoof) begustn met e VZW Red KV Mechelen, woadeure dat 'n club ered wos. Ze moestn wel in Derde Klasse erbegunn. Vuuf joar loater, in 2007, wonn ze d'eindrounde in Twidde en gienkn ze were nor Êeste, woarin dan ze up de dertienste plekke endigdn.
Palmares
[bewerkn | brontekst bewerken]- Landskampioen: 1942/1943, 1945/1946, 1947/1948, 1988/1989
- Beker: 1987, 2019
- Beker der Bekerwinnaars: 1988
- Europeeschn Supercup: 1988
Seleksche 2008-2009
[bewerkn | brontekst bewerken]Keepers
[bewerkn | brontekst bewerken]- 20. Wouter Biebauw
- 23. Olivier Renard
Verdedigers
[bewerkn | brontekst bewerken]- 2. David Grondin
- 3. Jonas Ivens
- 5. Kenny Vanhoevelen
- 6. Koen Persoons
- 8. Xavier Chen
- 22. Pieter Mbemba
Middnvelders
[bewerkn | brontekst bewerken]- 4. Jeroen Mellemans
- 7. Kenneth Van Goethem
- 10. Abdul-Yakuni Iddi
- 12. Jean-Paul Kielo Lezi
- 13. Antun Dunkovic
- 15. Julien Gorius
- 16. Kevin Geudens
- 17. Nana Asare
- 19. Maxime Biset
- 25. Wouter Vrancken
- 26. Kristof Imschoot
Anvollers
[bewerkn | brontekst bewerken]- 9. Giuseppe Rossini
- 11. Joachim Mununga
- 14. Aloys Nong
- 18. Bjorn Vleminckx
- 21. Raoul Ngadrira
Trainer
[bewerkn | brontekst bewerken]- Peter Maes
Bekende oud-spelers
[bewerkn | brontekst bewerken]West-Vloamiengn
[bewerkn | brontekst bewerken]- Pascal De Wilde
- Koen Sanders
Belgn
[bewerkn | brontekst bewerken]- Lei Clijsters
- Philippe Albert
- Michel Preud'homme
- Marc Emmers
- Bruno Versavel
- Marc Wilmots
- Francis Severeyns
- Rudi Smidts
- Walter Meeuws
- Sven Vermant
- Steven Defour
- Alex Czerniatynski
- Glen De Boeck
Buutnlanders
[bewerkn | brontekst bewerken]- Eli Ohana
- Piet Den Boer
- Graeme Rutjes
- Erwin Koeman
- Kennet Andersson
- Eric Viscaal
- John Bosman