KV Oostende

Van Wikipedia
Dit artikel es geschreevn in 't Ostends, en da zou best ozô bluuvn.

KV Oostende
Officiële noame Koninklijke Voetbalclub
Oostende
Bynoame De kustboys
Opgericht 1904 (stamnummer 31)
1981 (fusie tout KV Oostende)
Stadion Versluys Arena
Complex {{{complex}}}
Capaciteit 8.200
Vôorzitter België Frank Dierckens
Trainer Ôostnryk Dominik Thalhammer
Competisje Eèste klasse
Team colours Team colours Team colours
Team colours
Team colours
 
Thuuskleurn
Team colours Team colours Team colours
Team colours
Team colours
 
Uutkleurn
geldig vôorn {{{geldig}}}

Portoal Sport

KV Oostende (KV Ostende) is e Belgische foetbolclub uut Ostende. De club zit in Eèste Klasse. Ze zyn ageslootn by de KBVB mè stamnummer 31 en z'en geel-rood-groen voe clubkleurn. Ze zyn in 1981 uut de fuusje van VG en AS Oostende oentstoan.

Geschiedenisse[bewerkn | brontekst bewerken]

In 1904 is 't Van Neste Genootschap Oostende (ofgekort VG Oostende) ipgericht. De club kreeg by d'invoerienge van de stamnummers in de joaren 20 't stamnummer 31. In 1925 woarn ze vo èèn seizoen ipgeklommn toet in de Twidde Klasse, mo ze zakten sebiet were. In 1929 kreegn ze by under 25-jarig bestaan de keuninklikke titel en wierdn ze K. Van Neste Genootschap Oostende (ofgekort KVG Oostende). Achter e poar joar, speelde de club in 1935 kampioen in under reekse in Derde Klasse (in die tyd Bevorderienge) en promoveerde ze were noa Twidde. VGO speelde der drie sizoenn, moa zakte tonne were noa Derde Klasse. De club bleeft doa in Bevorderienge plakkn, èèst was dat Derde en vanaf de joarn 50 was da Vierde Klasse. In 1964 pakte de ploeg de titel i ze reekse in Vierde en promoveerdn ze were no Derde, toe da ze ook in 1974 doa de titel paktn. VGO kost were van start goan in de Twidde Klasse, en bleeft doa vier sizoenn spelen. In 1978 zakte de club were no Derde.

In 1911 was 't er in de stad ook nen andre club ipgericht, AS Oostende (loater stamnummer 53). Die club was ol gowwe succesvuller gewordn of VGO, da pertangs e poar jaar oeder was. AS Ostende speelde de mèèste joarn van ze bestoan in d'oogste nationoale ofdeliengn en aad roend 't begun van de joarn 70 vier sizoenn in Eèste Klasse gespeeld. De club was ton wel in kortn tyd ofgezakt no Derde Klasse.

In 1981 beslootn de twêe clubs tonne voe te fusioneern. De nieuwe club noemdige KV Oostende en speelde vors met 't stamnummer van KVG Oostende. 't Stamnummer van AS Oostende is ton definitief geschrapt. De clubkleuren wierdn rood, geel en groen, gebaseerd ip 't rood-groen van ASO en 't rood-geel van VGO. De fusieclub begost zn èèste sizoen in Derde Klasse.

In 1982 was 't er trouwens ook e nieuwe club ipgericht die van start giengt in de lèègste provincioale ofdelienge. Met diene club wilde der e poar de clubnoame in leevn oedn, mo da nieuwe VG Oostende is dus een aparte club mè stamnummer 8837, die gin aansproake ka moakn ip d'erelyste en 't palmares van 't oede originele VG Oostende.

KV Oostende endigde bijst de jaren 80 in Derde Klasse, joar achter joar aboven in de rangschikkienge, mo kost toch noois de titel pakkn. In 1992 kost Ostende doa uutendelik olliek kampioen wordn en promoveern. De club makte ton vele vorderienge de joarn derachter, moa bleef olliek e bitje wisselvallig. Achter 't èèste sizoen in Twidde Klasse promoveerde ze van èèste ki deure noa d' Eèste Klasse. 't Sizoen 1993/94 kost de fusieclub azo voe 't èèst in d'Eèste Klasse speeln. Twèè joar loater zakte KVO were, moar achter drie sizoenn kostn ze were promoveern noar Eèste. Ze bleevn doa da sizoen 1998/99 wel moar één joartje speeln, en zaktn weerol. Twee jaar loater zakte ze zels were noa Derde Klasse. Achter twèè seizoenn promoveerde KVO were en ze gieng tonne achter èèn sizoenn zels were deure no Eèste, moa weerol zaktn ze achter 2004/05 achter èèn sizoen.

In 't sizoen 2012/13 gerakt'n z' in de kwartfinalle van den beker. In Twidde klasse pakt'n ze de 7st'n april 2013 ook den titel en speel'n ze 't sizoen 2013/14 were in Eèste klasse.

Bekende speler(s)[bewerkn | brontekst bewerken]

  • Nicolas Lombaerts
  • Wout Faes
  • Tom De Sutter

Externe koppelienge[bewerkn | brontekst bewerken]

Wikimedia Commons