Kalium

Dat artikel es geschreevn in 't Zuudôostelik West-Vlams.

---

Periodiek système
Algemêen
Noame	Kalium
Symbool	K
Atoomnummer	19
Groep	Alkalimetoaln
Periode	Periode 4
Blok	s-blok
Reekse	Alkalimetoaln
Kleur	Zilverwit
Chemische eignschapn
Atoommassa (u)	39,098
Elektronconfiguroatie	[Ar]4s1
Oxidoatietoestandn	1
Elektronegativiteit (Pauling)	0,82
Atoomstroale (pm)	227
Fysische eigenschapn
Dichtheid (kg·m-3)	862
Hardheid (Mohs)	0,4
Smeltpunt (K)	336,5
Kookpunt (K)	1038,7
Aggregoatietoestand	Vaste
Smeltwarmte (kJ·mol-1)	2,334
Verdampiengswarmte (kJ·mol-1)	79,87
Vanderwaalsstroale (pm)	275
Kristalstructuur	Kub
Molair volume (m3·mol-1)	45,46
Geluudssnelheid (m·s-1)	2000
Specifieke warmte (J·kg-1·K-1)	750
Elektrische weerstand (μΩcm)	6,15
Warmtegeleidboarheid (W·m-1·K-1)	100
SI-êenheedn en standoardtemperateure en -druk wordn gebruukt, of 't zou moetn zyn dat et er anders stoat.

Kalium (K) es een scheikundig element van het type alkalimetoal. Da wil ounder andere zegn dat ie em lienks in de tabelle van Mendeljev stoat.

Ipbouw

Kalium eit 19 protoonn en dus ôok 19 elektroonn in oungeloadn toestand. Vôors eit kalium in de mêeste gevoln ôok nog 20 neutroonn. De 2 stabiele isotoopn zyn ⁴⁰K en ⁴¹K, de andere 22 zyn onstabiel.

• 
  Boann met elektroonn round den atoomkern van kalium
• 
  Kalium

Alkalimetoal

Gelik olle andere alkalimetoaln, eit kalium een elektron tevele in zyn buutenste schelle (zyn andere drie schelln zyn schôone ipgevuld me 2, 8 en nog ne kêe 8 elektroonn) voen an de edelgasconfiguroatie te voldoen. Doarom wilt kalium zyn elektron ip overschot geirne dêeln mè andere in een ionische verbindienge. Een vôorbeeld doarvan es KCl, woarin da kalium zyn elektron ofstoat an chloride, nen halogeen.

Geschiedenisse

In 1807 ountdekte Sir Humphry Davy kalium deurn et te isoleern uut kaliumhydroxide (KOH). 't Was ôok et eerste metoal da uut elektrolyse g'isoleerd wierd.

Etymologisch is 't e neo-Latynsche name, omdat de Romeinn kalium nog ni kendn. Et woord kalium zelve komt van et Arabisch al qalīy.

Toepassiengn

Fysiologie en biochemie

• In e celle wordt kalium ounder andere gebruukt vo de hoeveeleid kalium en natrium te regeln, e belangryk proces in zenuwgeleidink en in et ounderoudn van de membroanpotentioal in 't algemêen (et elektrisch verschil tusschen binn en buutn de celle). Andere toepassiengn zyn et stabiliseren van negatief geloadn fosfoatgroepn in de glycolyse.
• Kaliumfluorosilicoat (K₂SiF₆) is een insecticide.
• Kaliumchloride (KCl) wordt als vervangmiddel voe tafelzout (NaCl) gebruukt en wordt ôok gebruukt als middel voen et erte te doen stopn.

Industrieel

• Kaliumhydroxide (KOH) is e sterke base.
• Salpeter (KHO₃), gebruukt in poer, is et kaliumzout van salpeterzuur (HNO₃).
• Kaliumbromide (KBr) gebruukn ze in fotografische film en vo te graveern.
• Kaliumzoutn van sommige sulfoatn wordn ook veel gebruukt als detergens.

Ofbeeldiengn die ier by passn ku je vien in de categorie Potassium van Wikimedia Commons.