Kamtsjatka-Schiereiland

Van Wikipedia

Kamtsjatka-Schiereiland in 't verre ôostn van Rusland. 't Rôoze gebied is de Provinsje Kamtsjatka die ook e stik van 't vasteland in 't nôordn insluut.
Topografie van 't schiereiland.

't Kamtsjatka-Schiereiland (Russiesch : полуо́стров Камча́тка, Poluostrov Kamchatka) is e schiereiland in 't Russiesche Verre Ôostn da 1 250 kielomeetrs lank is, en dat 'n ippervlakte êt van apeupri 270 000 km² [1]. 't Ligt tusschn de Stille Oseoane no 't ôostn en de Zêe van Okhotsk no 't westn [2]. Zjuuste buutn de kustlyne lanst de Pasiefieke kuste van 't schiereiland lopt de 10 500 meetrs diepe Kloove van Koerieln–Kamtsjatka.

't Kamtsjatka-Schiereiland, de Kommandr-Eilandn, en Karaginsky-Eiland vormn tegoare de Provinsje Kamtsjatka van de Russiesche Fidderoasje. 't Mêerndêel van de 322 079 inweuners zyn bloed-echte Russn, mo dr zyn apeupri 13 000 Koryaks (2014) [3]. Mêer of den êft van de bevolkienge leeft in Petropavlovsk-Kamchatsky (179 526 inweunrs in 2010) en in 't dichte drby liggnd Yelizovo (38 980).

Ip 't Kamtsjatka-Schiereiland zyn de bekende Vuulkoann van Kamtsjatka, 'n UNESCO weirld-erfgoed.

Kamtsjatka krygt toe 2 700 mm neerslag ipo e joar. De zoomrs zyn moatig koele, en de wientrs zyn dikkers stormachtig oewêl dat mo zeldn bliksmt.

Zied ook noa[bewerkn | brontekst bewerken]

Eksterne koppliengn[bewerkn | brontekst bewerken]

Verwyziengn[bewerkn | brontekst bewerken]

<references>

  1. Быкасов В. Е. Ошибка в географии Известия Всесоюзного Географического Общества. — 1991. — № 6. (in 't Russiesch)
  2. (en) Kamchatka Peninsula, Encyclopædia Britannica.
  3. (en) Kamchatka Peninsula, Government of Kamchatskiy Kray.