Karel Geraerts

Van Wikipedia
Naar navigatie springen Naar zoeken springen

Karel Geraerts (Genk, 5 januoari 1982) es nen Belgische voetboler. Karel Geraerts speelt ip et middnveld.

Carrière[bewerkn | brontekst bewerken]

Als joenk gastje shotte Karel Geraerts by CS Maasmechelen, doarachter by Racing Genk. In 1998 ging 't ie noa Club Brugge, woar da't ie tot 2003 bleef. Doarachter speelde ie kort by KSC Lokeren Oost-Vlaanderen, moar ie es definitief deuregebrookn by Standard. In 2007 es't ie weregekêerd noa Club Brugge.

Zyn reloatie mè Club Brugge es nogol specioal. In een êeste periode van 1998 tot 2003 kwam ie bykans nie an speeln toe. In totoal speelde ie moar 9 matchn, want de concurrentie mè Timmy Simons wos môordend. Gefrustreerd trokt ie voo een appel en een ei noa Lokeren in de winter van 2003, woar da't ie vulip speelgeleegneid kreeg. Ie es ipgemerkt gewist deur Standard, woar da't ie in 3 sezoenn de pann van et dak speelde en rôo duvel kwaam. In 2007 eit ie zyn contract loatn oflôopn mè Standard en es't ie deur de vôordeure en mè een zwoar contract (best betoalden Belg) were noa Club Brugge gekoomn. Doar kreegt ie de centroale controleernde rolle ip et middnveld.

Karel Geraerts es ondertussn tot vaste weirde van de nationoale ploeg, woarvôorn da't ie ol 16 kêers gespeeld eit en 4 goals gemakt eit.