Karel VII (HRR)

Van Wikipedia
Ga naar: Begunplekkn, zoeken
Karel VII
16971745
Karel VII deur Georg Desmarées
Armoiries Bavière.svg
Keurvorst van Beiern
Periode1726 - 1745
VôorgangerMaximiliaan II Emanuel van Beiern
IpvolgerMaximiliaan III Jozef van Beiern
Blason Boheme.svg
Keunienk van Boheemn
Periode1741 – 1743
VôorgangerMaria Theresia
IpvolgerMaria Theresia
Banner of the Holy Roman Emperor (after 1400).svg
Keizer en Rôoms-Duutsche keunienk
Periode1742 – 1745
VôorgangerKarel VI
IpvolgerFrans I
VoaderMaximiliaan II Emanuel van Beiern
MoederTheresia Kunigunde Sobieska

Karel VII Albrecht (Brussel, 6 ogustus 1697München, 20 januoari 1745), van 't Huus Wittelsbach, was keurvorst van Beiern van 1726. Je was ook keunienk van Boheemn en keizer en Rôoms-Duutsche keunienk van 't Hillig Rôoms Ryk.

J'is geboorn in Brussel os zyn voader landvoogd van de Spoansche Nederlandn was.

Je trouwde in 1722 me Maria Amalia van Ôostnryk, dochter van keizer Jozef I.

Je kwam antikeunienk teegn Maria Theresia binst den Ôostnryksche Successieoorloge (1740-1748), die uutgebrookn was achter da z'heur voader Karel VI ipvolgde in 1740. Volgns de 'Pragmatieke Sanctie van 1713' was heur ipvolgienge wettelik, mo Karel Albrecht en August III van Pooln, die ook getrouwd was met e dochter van keizer Jozef I, peisdn dan ze recht haan ip de trôon.

Beiern vocht tegoare me Pruussn, Spanje en Frankryk. En Groot-Brittannië, de Republiek der Zeevn Provinciën en Rusland stoundn an de kant van d'Ôostnryksche Habsburgers.

In 1741 wierd et verdrag van Nymphenburg geslootn, woaby da Karel Albrecht de krône beloofd krêeg.

Karel Albrecht was den ênigste keizer sedert 1452 die nie van ‘t Huus Habsburg was.

Zyn zeune Max Jozef, die hem in Beiern ipvolgde, was akkôord van Frans Stefanus van Lotharingen, die getrouwd was me Maria Theresia, tout nieuwe keizer te verkiezn.

Wikimedia Commons