Karl Vannieuwkerke

Van Wikipedia
Naar navigatie springen Jump to search
Dit artikel es geschreevn in 't Ypers, en da zou best ozô bluuvn.

Karl Vannieuwkerke18 januoari 1971 in Yper) is e West-Vlamschn sportverslaggever. Zyn specialisoasches zyn koers en tennis. Voen 't moment wunt 'n in Beerst, in d'Oostendestroate.

Carrière[bewerkn | brontekst bewerken]

Karl Vannieuwkerke is ofestudeerd an de HIEPSO in Kortryk in de richtienge toegepaste communicoatie. Zyn êeste werk wos voen de gazette Het Volk dat 'n begust beistn dat 'n vors lêerde. Van 1994 vors is 't 'n no Focus TV gon werkn tot dat 'n in 1997 e contract aneboodn krêeg by de VRT. En is surtout bekend va zyn wielerverslaggevinge (grôte êendagskoersn, de Rounde van Vrankryk) en e doet dat olzowel up de moto of in e studioprogramma. De latste joarn is 'n 'n presentator van 't VRT-Tourjournoal op 'n loatn oavond.

Up e bepoald moment is 't 'n zevve begunn koersn, woadeure dat 'n e masse vermoagerd is. In 1998 et 'n de sportpersprys ekreegn. In 2007 doet ie ôok nen theoatertournee met Les Supapes.

Boekn[bewerkn | brontekst bewerken]

Varia[bewerkn | brontekst bewerken]

  • In 2006 et 'n mei edoan an 'De slimste mens van de wereld', e programma up één, voen te bewyzn dan sportverslaggevers ouk vele weetn. En et 6 ofleveriengn uutoun. In êen ofleverienge wist 'n etwot nie van de geschiedenisse en et 'n doavôorn pardong ezeid in de noaste ofleverienge teegn zyn lêroare van in 't College van Yper.
  • Vannieuwkerke e ferme in 'n strop van e masse wielertoeristen ebeetn deur te zeggn dat 'n Mont Ventoux, êen van de zwoarste Alpenklems, e "klim voor jeannetten", een "Evy Gruyaert-klimmetje" is[1]. Olle joarn probeern styf veel Vloamiengn en Ollanders, mêestol geweune menschn, vo boovn te groaken. At dat tonne lukt achter e styf zwoare inspannienge, gift dat tonne e machtig gevoel. E zei achternoars dat 'n doamei bedoelde dat de menschn ouk e ki muchtn droomn van ol die aar cols.

Externe koppelienge[bewerkn | brontekst bewerken]

Bronn[bewerkn | brontekst bewerken]

  1. Column "Wielrenner & Biker", juli 2007, Vlaamse Wielrijdersbond (column in doc-formaat)