Mont Ventoux

Van Wikipedia
Topogroafische koarte van de Mont Ventoux

De Mont Ventoux is nen berg in 't zuudn van Vrankryk, juuste ten ôosten van de valleie van de Rhône. Hoewel dat 'n geologisch dêel uutmakt van 't ôostelyke dêel van d'Alpn is 't 'n enigste ôogn berg in de regio - zyn bynoamn zyn Le géant du Provence of De kale berg.

't Zyn der vele die peizn dat de noame e verwyzienge is noa de stravvn wind die boovn kan woaien (de mistral), want venteux wilt zeggn windering in 't Frans. Surtout aan de "col de tempêtes" juuste voorn top kan 't styf woaien en de boane over den top is vele geslootn wegens de stravvn wind. Mo de noame koumt eigentlik doa nie van. De noame is ol gekend in de 1e of 2e eeuwe achter Christus en zoudt genoamd zyn achter Vintur, de Gallischn god van de bergtoppn - oftwel zoudt de noame koumn van 'Ven-Top', wuk dat "besnêeuwdn bergtop" wilt zeggn in 't oud Gallisch. Vanaf de 10e eeuw verschynn noamn lik Mons Ventosus en Mons Ventorius.

Beklimmienge[bewerkn | brontekst bewerken]

De Mont Ventoux is 'n begrip in de vélokoerse. Êne kêe om de zoveel joar arriveert er een etappe van de Rounde van Vrankryk.

De beklimmienge vanuut Bédoin - hellingspercentoages in functie van den afstand langst de boane

Der zyn drie meuglyke maniern vo de Mont Ventoux ip te ryen in vélo: langst Bédoin (de "officiele", de westelyke kant), langst Malaucène (de nôordelyke kant) en langst Sault (de zuudlikke kant). De kantn van Bédoin en Malaucène zyn ongeveer even zwoar (Bédoin êest redelik vlak, ton noa boven zounder vele rustpuntn - Malaucène direct noa boven met ounder boane e poar vlakkere stikkn woarip de je kunt recupereren), de kant van Sault wordt vele de "mietjeskant" genoemd en is vele gemakkeliker dan de twee andere kantn ('t startpunt ligt honderden meter ôger en de boane is langer).

Winnoars beist de Rounde van Vrankryk[bewerkn | brontekst bewerken]

Beist de Rounde van Vrankryk ryen ze noa booven langst de kant van Bédoin.

Joar Winnoare Nationaliteit
1951 Lucien Lazarides Vlagge van Vrankryk Vrankryk
1952 Jean Robic Vlagge van Vrankryk Vrankryk
1955 Louison Bobet Vlagge van Vrankryk Vrankryk
1958 Charly Gaul Vlagge van Luxemburg Luxemburg
1965 Raymond Poulidor Vlagge van Vrankryk Vrankryk
1967 Jan Janssen Vlagge van Holland Holland
1970 Eddy Merckx Vlagge van België België
1971 Gonzalo Aja Vlagge van Spanje Spanje
1972 Bernard Thévenet Vlagge van Vrankryk Vrankryk
1987 Jean-François Bernard Vlagge van Vrankryk Vrankryk
1994 Eros Poli Vlagge van Itoalië Itoalië
2000 Marco Pantani Vlagge van Itoalië Itoalië
2002 Richard Virenque Vlagge van Vrankryk Vrankryk
2009 Juan Manuel Gárate Vlagge van Spanje Spanje
2013 Chris Froome Vlagge van 't Verênigd Keunienkryk Verênigd Keunienkryk
2016 Thomas De Gendt Vlagge van België België

Populair by de Vloamiengn[bewerkn | brontekst bewerken]

De Mont Ventoux en de streke derround is populair by de Vlamsche touristn - iederêen kent wel 'n twiene die der ol ne kêe ip gestoan it, of dat nu in voiture of in vélo wos.

Ofbeeldiengn[bewerkn | brontekst bewerken]

Wikimedia Commons