Kastêel van Beisbroek

Van Wikipedia
Naar navigatie springen Naar zoeken springen

't Kastêel van Beisbroek es 'n neoclassicistisch landuus. Ôorspronkelyk wos't domyn in de zeevnstn êeuw e dêel van't Merovingisch kroondomyn Snellegem. 't Domyn es toun loatr in eigndom va de Sint-Andriesabdy by Brugge gerakt. 't Landuus wierd gebouwd in 1835 vô den Gentsn burggroaf Edouard de Nieulant. Ne wos em koosn van ridder Louis van Outryve d’Ydewalle, da't domyn tôope me zyn schôonbroere Jacques de l’Espée, achter de Fransche Revolutie a gekocht.

't Kastêel en e stik van't domyn wierdn in 1973 angekocht deur stad Brugge. In't kastêel es't er e lêerryk natuurcentr en ne sterrnwacht gevestigd woa dan z'uldr eign planetoarium èn.

In 1972 ging't er e stik bus van 2 ectoarn verloorn in'n storm. Achter dan ze't kreuplout addn ipgeruumd es't er em doar uut zyn eign de typische wêe vegetoasche begunn t'ontwikkln. Azôo zie je doar e bitje't stikske natuur da in lôop van de joarn 1800 wo verdweenn.

De noame Beisbroek komt van Bencebruch (of Byzzebroukn in't West-Vlams). Dee noame verwyst noar d'oude omstandigeedn van't gebied. 't Woarn doar oal brouckn en byzzeplantn. Brouckn zyn uuteroard mourassn en byzzeplantn zyn plantn die styf vele woatr nôodig èn om te leevn.

Oa je de “West-Vlamsche Kastêelnroute” volgt passeer je oal't kastêel.