Meroviengers

Van Wikipedia
Ga naar: Begunplekkn, zoeken
De keunienkrykn van de Meroviengers
De Meroviengers deur Évariste-Vital Luminais.
Meroviengische fibulae, voorlopers van de toespelle

De Meroviengers woarn e dynastie van Salische Frankn die van de 5de tout de 8ste êeuwe, achter de Gallo-Romeinsche periode, regeerdn over 't gebied Francia.

’t Bestound uut e grôot stik van et hudige België en Frankryk en e stik van Duutsland en Zwitserland.

De noame komt van Merovingi of Merohingi (zeuns van Merovech). Merovech was de leider van de Salische Frankn van 447 tout 457. Zyn zeune Childeric I vocht me succes teegn de Visigootn, de Saksn en de Alemanni, en zyn klêenzeune Clovis I verênigde ‘t grotste dêel van Gallië ten nôordn van de Loire, deur in 486 de Romein Syagrius te versloan.

Achter Clovis zyn dôod wierd zyn keunienkryk verdêeld ounder zyn vier zeuns en loater ounder zyn klêenzeuns. Die traditie van verdêlienge blêef bestoan en was d'oorzoake van vele conflictn en oorloogn tusschn de broers.

Uutendelik kost Chlothar II in 613 Austrasië, Neustrië, Bourgondië en Aquitanië were verênign ounder êen keunienk.

Zyn zeune Dagobert I (†639), wordt anzien as de latste goeie keunienk me macht. Zyn ipvolgers trokkn hunder nieks mer an van ‘t feitelik regeern en z'haan e luxeleevn. ’t Ênigste dan ze nog mostn doen was nu en ton hunder handtêekn zettn. Doarom krêegn de Meroviengische keuniengn van die periode de benoamienge van Vadsige keuniengn (les rois fainéants).

De Hofmeiers krêegn mêer en mêer te zeggn en uutendelik pakte Pepeyn de Kortn van de Pepinidn de macht over, deur Childerik III in 751 of te zettn. Je krêegt de steun van paus Zacharias, achter dat ‘n gevroagd haad wien dat er eigentlik keunienk most zyn: dendeen die den titel droeg of dendeen die de feitelikke macht haad.

Hofmeier Pepeyn de Kortn kwam keunienk van de Frankn en je stichtte doamee de dynastie van de Karoliengers. Je wierd ipgevolgd deur zyn zeuns Karel de Grôotn en Karloman.

De Meroviengische keuniengn[bewerkn | brontekst bewerken]

Merovech (447 – 458)
Childerick I (458 – 482)
Clovis I (482 – 511)

Chlodomer (511–524)
Orléans
Childebert I (511–558)
Parys
Chlothar I (511-524)
Soissons
Theuderick I (511–533)
Metz
Childebert I (524–558) Parys Chlothar I (524–555) Soissons Theudebert I (533–547) Metz
Theudebald (547–555) Metz
Chlothar I (555–558)
Chlothar I (558–561)
Charibert I (561–567) Parys Chilperick I (561–584) Soissons Guntram I (561-592) Orléans (Bourgondië) Sigibert I (561–575) Metz (Austrasië)
Chilperich (567–584) Soissons (Neustrië) Guntram I (567-592) Orléans (Bourgondië)
Chlothar II (584–613) Neustrië

Childebert II (575–596) Austrasië, (592-596) Bourgondië

Theuderick II (596–613) Bourgondië
Sigibert II (613) Bourgondië
Theudebert II (596–612) Austrasië

Chlothar II (613–629)

Charibert II (626–632) Aquitanië
Chilperick van Aquitanië (632)
Dagobert I (629–639) Neustrië, Austrasië, Bourgondië
Dagobert I (632-639) ook Aquitanië

Clovis II (639–657) Neustrië en Bourgondië
Chlothar III (657–673) Neustrië en Bourgondië
Theuderick III (673) Neustrië en Bourgondië

Sigibert III (639–656) Austrasië
Childebert de g’adopteerdn (657–662) zeune van e hofmeier van de Pepinidn (g’adopteerd deur Sigibert III)
Childerick II (662–675) Austrasië

Childerick II (662–675) Austrasië, (673-675) Neustrië en Bourgondië
Theuderick III (675-676) Neustrië en Bourgondië Clovis van Austrasië (675-676) Austrasië
Dagobert II (676–679)

Theuderick III (679–690) ook Austrasië
Clovis III (690–694)
Childebert III (694–711)
Dagobert III (711–715)
Chilperick II (715–721)
Theuderick IV (721–737)
Childerick III (743–751)

Trivia[bewerkn | brontekst bewerken]

Partitions Le bon roi Dagobert.jpg

’t Bestoat e Frans kienderliedje over de goeie keunienk Dagobert: Le bon roi Dagobert.

’t Goat over keunienk Dagobert en zyn adviseur Sint-Elooi, de loatern bisschop van Noyon. Den tekst is geschreevn in de periode van de Fransche Revoluusje vo keunienk Lodewyk XVI belachelik te moakn.

Externe koppelienge[bewerkn | brontekst bewerken]

Wikimedia Commons