Khentie-Gebergte
't Khentie-Gebergte (Mongoolsch-Cyrielliesch schrifte: Хэнтийн нуруу) is e gebergte in de provinsje Töv en in de Khentie-Provinsje in nôordlik Mongoolje. 't Gebergte komt ovrêen mê 't Nateurrizêrvoat Khan Khentie en 't omvat de Mongoolsche illige bergn, Burkhan Khaldun en Bogd Khan, die de platste is woa da Genghis Khan van ofkomstig was.
't Gebergte vormt de woatrschiddienge tusschn de bekkns van de Nôordlikke Yszêe (lanst 't Bajkal-Mêer) en van de Stilln Oseoane. Rieviern die oentspriengn in 't gebergte zyn den Onon, de Kherlen, en de Tuul.
Genghis Khan zoed e schôone plekke in 't Khentie-Gebergte gevoenn ên, genoamd de Grôote Taboo of Ikh Khorig deur de Mongooln, woadatn neere zat en zei datn doa zoe willn begroavn wordn. En doa zoedn inderdoad begroavn zyn gewist. Mo, 't graf van Genghis Khan is nog nôojs nie gevoenn.