Koetelwyk

Van Wikipedia
Naar navigatie springen Naar zoeken springen

De Koetelwyk of Ketelwyk, was ’n oude wyk in Brugge, die ol bestound in 1284.

Achter de fusie van Grôot-Brugge in 1971, hen ze de noame gegeevn an e stroate in Kôolkerke, juste boovn Fort Lapin, ten nôordôostn van Brugge.

D’oude Brugsche wyk lag oorsprounkelik ten nôordn van de Goudn-Handreie en langs de lienker kant van de Langereie en groeide zêre uut tout an de Spegelreie. Doa, woa da nu de Keuniengsbrugge is, zou de Koetelwykpôorte van d’êeste stadsomwallienge van de 12e eeuwe gestoan hen.

Lange geleen was ter doar in de Koetelwyk in Brugge e Bloemenstroate, e landelikke weg die by ’t volk bekend stound ols de Kettel - of Kitteldreve.

By de fusie van Grôot-Brugge most de stroatnoame van de Bloemenstroate in Kôolkerke veranderd wordn, omdat er mor één stroate met die noame mocht zyn: in Assebroeke.

Êest han ze gepeisd van de noame Kitteldreve an de stroate te geevn, mo deur de dubbelzinnige betêkenisse hen ze gekoozn vo Koetelwyk.