Lecelles

Van Wikipedia
Naar navigatie springen Naar zoeken springen
Vrankryk Lecelles
Blason de la ville de Lecelles (59) Nord-France.svg
Map commune FR insee code 59335.png
Lecelles en oumligg'nde gemêentn
Geografie
Regio Hauts-de-France
Departement Noorderdepartement
Arroundissement Valencyn
Kanton Sint-Amands an de Skarpe
Coördinoatn 50°28′NB 3°23′OL
Ippervlak 16,24 km²
Inweuners
Inweuners

Bevolkiengsdichtheid

2810 (2017)
173 inw./km²
Andere
Burgemêester Jean-Claude Messager
Postcode 59226
Webadres Site van Lecelles


Lecelles es e gemêente in Vrankryk in't Noorderdepartement. 't Ligt hil o de ôostzuudkantn van Frans-Vloandern, mêer bepoald in't nôordwestn van't arroundissement Valencyn, by 't schee'n mè 't arroundissement Dowoai. 't Ligt ôok an de Schreeve, teegn de provinsje Enegouwn. Lecelles grenst an de Woalsche gemêente Brunehaut (mêer bepoald de dêelgemêentn Rongy en Bléharies) en an de Fransche gemêentn Maulde, Thun-Saint-Amand, Nivelle, Sint-Amands an de Skarpe, Rosult, Saméon en Rumegies.

Tweis deur Lecelles strôomt et rivierke d'Elnon van't nôord'n noa 't zuud'n. E bitje bezuud'n 't groundgebied van de gemêente moundt et by Sint-Amands uut in de Décours, e zy-rivierke van de Skarpe.

In tydde stound er juuste o de zuudkantn van 't center e stoasje an d'yzerboane die liep van Sint-Amands an de Skarpe tout an de Schreeve by Maulde, en die ezo vodder liep richtienge Dôornik. Ip 22 ogustus 1950 wierd 't verkêer vo mienschn stopgezet, en sedert 2015 ryd'n der ôok gin goeder'ntrings mêer en wierd de lynne ipgebrookn. In Lecelles woster in tydde ôok e stopplekke vo trams an de lynne van Sint-Amands an de Skarpe oover Mouchin richtienge Rysel, die in 't joar 1932 wierd stopgezet en ipgebrookn.

Lecelles es êen van de gemêentn die liggn in't Regionoal Nateurpark in't bekkn van de Skarpe en de Schelde (Parc naturel régional Scarpe-Escaut), zynde 't gebied round Sint-Amands an de Skarpe die beschermd es deur zyn uutgebreyde biodiversityt.

Beziensweirdigeedn[bewerkn | brontekst bewerken]

  • De Sent-Deniskerke uut d'achttiende êeuwe
De Sent-Deniskerke van Lecelles
Wikimedia Commons