Lêge Landn

Van Wikipedia
(deureverweezn van Lege Landn)
Geschiedenisse van de Lêge Landn

Prinsbisdom Luuk
9851790

Bourgondische Nederlandn

Ertogdom Luxemburg
upgenoomn 1441
1384/14731482
Zeventien Provinciën
14821556
Spoansche Nederlandn
Republiek der Zeevn Verenigde Provinciën
15881795
15881713

Ôostnryksche Nederlandn
17131790

Verenigde Belgische Stoatn
1790
Prinsbisdom Luuk
17901795
Ôostnryksche Nederlandn 17901794

Fransche Republiek

Batoafse Republiek
17951806
17951804

Frans Keizerryk
18041815
Keuninkryk Olland
18061810


Verenigd Keuninkryk der Nederlandn
18151830

Grootertogdom Luxemburg
(in personele unie mè Olland tout 1890)

Keuninkryk België
sinsn 1830
Keuninkryk der Nederlandn
sinsn 1830
De rôo lyne is de schiddienge tusschn de Nôordelikke- en de Zudelikke Nederlandn

De Lêge Landn es de noame vo 't istorisch gebied van de Nederlandn. De Lêge Landn zyn e lêeggeleegn vlakte round de riviern de Schelde, de Moas, de Reyn, de Eems en de Yssel. Up da gebied liggn nu de landn Olland, België en et Grootertogdom Luxemburg.

Diene terme es den dag van vandoage nog osan gebruukt voe die drie landn t'ôpe an te duudn. Sinsn 'n Twiddn Weireldoorloge noemn ze die landn mêestol de Benelux.

Liggienge[bewerkn | brontekst bewerken]

Benelux geogroafisch

't Territorium van de Lêge Landn es 't gebied in West-Europa dat ingeslootn ligt tusschn de Fransche gebiedn in 't zuudn, de Duutsche gebiedn in 't ôostn en d'Iengelsche gebiedn an den andren kant van de Nôordzêe in et westn en 't nôordn.

Geschiedenisse[bewerkn | brontekst bewerken]

De productie en 'n andel van wulle èt vo de steejn van de Lêge Landn styf belangryk gewist. Deur dienen middeleeuwschn andel zyn steejn lik Brugge, Yper, Gent, Luuk, Leuvn, Mecheln, Brussel, Antwerpn en Utrecht welvoarend gekommn.

In 1477 zyn de Bourgondische bezittiengn in de Lêge Landn, de Bourgondische Nederlandn, deur 't uwelik van Maria van Bourgondië na 't Uus van Habsburg overgegoan, en achter heur dôod in 1482 begost de periode van de Habsburgsche Nederlandn.

In de 16e eeuwe zyn de Zeventien Provinciën deur de Pragmatieke Sanctie van keizer Karel V lik een geheel vrygesteld gewist van under feodoale verplichtiengn. Achter dan de Zeventien Provinciën under ounofankelik èn verkloard van de Spoansche Habsburgers, zyn de Zudelikke Nederlandn eroverd gewist (1581) deur Spanje, 't es doamei da die zudelikke stoatn ook de Spoansche Nederlandn zyn genoemd.

In 1713, by de Vrede van Utrecht, es et dêel van de Spoansche Nederlandn da nog overbleef, overgedreegn gewist an Oostnryk. Da wos de periode van de Oostnryksche Nederlandn.

Achter en periode van annexoatie van de Lêge Landn deur et Vrankryk ounder Napoleon, woarn de Lêge Landn tydelik were verenigd in et Verenigd Keuninkryk der Nederlandn (1815-1830). In 1830, by de Belgische Omwentelienge, èt et zudelik deel em ounofankelik verkloard en èt België vanof toun nen eigen koers gevoarn van Olland. D'ounofankelikeid van Luxemburg es up et Congres van Londn van 1867 gedecideerd gewist.

Wikimedia Commons