Letteberg

Van Wikipedia
Naar navigatie springen Naar zoeken springen
De Lettnberg met de vier bunkers

De Letteberg of Calvoarieberg, is een heuvel in 't West-Vlams Heuvelland met en hoogte van 95 meters. Je ligt teegn Kemmel, nie verre van de Kemmelberg aan. De name kom van de familie Lette die de ground vroeger bezaat.

In den heuvelkant zyn der een poar gerestaureerde bunkers van 't Iengels leger uut den êeste weirldôrloge te zien. De heuvel wierd in 1917 deur den Iengelse "175th Tunneling Company" oundergroavn en vôrzien van oundergrounse schuulplatsn. De bunkers kunn'n vandage voa nietend bezocht wordn.

Wielrennen[bewerkn | brontekst bewerken]

d' Hellienge is in 1972 upgenoomn gewist in Gent-Wevelgem. In da joar wierd 't parcours voar een grôot dêel in de heuvelzone ofgeleid: de Vidaigneberg, de Rôonberg, de Boaneberg en de Kemmelberg zyn elk twêe kêern beklommn, en de Lettnberg, de Scherpnberg en de Sulferberg elk êen kê.

Letteberg
Top 95 m
Locoatie Euvelland
Startplekke Kemmel
Ôogteverschil 48 m
Lengte 1.400 m
Stygiengs-% (gem) 3,4 %
Steilste stik 9 %

In de latst edities wordt d' hellienge dikwils gedoan achter den ofdoaling de Kemmelberg voar azoa in Kemmel uut te kommn. De Letteberg wordt ook in Ledegem-Kemmel-Ledegem voa juniores ofgedoald achter de beklemmienge van de Kemmelberg. j' Is ook upgenoomn in de recreatieve fietsroute Vloandern Fietsroute.