Link (Vrankryk)

Van Wikipedia
Naar navigatie springen Jump to search

Link (Frans: Lynck) es 'n gehucht in't Noorderdepartement in Vrankryk ip't schee'n van de gemêentn Loberge, Merkegem en Kapellebroek. 't Ligt in Frans-Vloandern in't Blootland. Link ligt ip apeupri drie kilomèiters o de zuudkant van't center van Loberge, twêe kilomèiters o den ôostkant van Kapellebroek en 4,5 o de nôordwestkant van't center van Merkegem. Link ligt an't Kanoal van d' Ôoge Kolme, en ounderdêel van de Kolme, by d'ofsplitsienge van't Ofvoerkanoal van de Kolme die richting de Broekburgvoart lôopt.

D' oudste vermeldienge van Link es van 1177, eschreevn lyk Linck of Link. In 1248 bevestigde Aéline, vrouwe van Drinkam, 't recht ip vrye passoage deur d' "overdragh de Lynke" ten vôordêele van de kerke van Woatn. Deur dien overdracht koestn bootn de niveauverschilln ip de Kolme overbruggn.