Liutgarde van Saksn
Liutgarde van Saksn (Magdeburg, 931- 18 november 953) was e dochter van Otto I de Grôotn en zyn êeste vrouwe Eadgyth (Edith) van Wessex.
De keizerskrône van heur voader gieng nie noar heur oudere broere Liudolf, mo wel noar heur halfbroere Otto II en loater no zyn zeune Otto III. Otto III wierd ipgevolgd deur Hendrik II den Hillign, e klêenzeune van hertog Hendrik I van Beiern, e joungere broere van Otto I de Grôotn.
Achter zyn dôod stierf 't Ottoons Huus uut want Hendrik II ha gin jounges. Je wierd ipgevolgd deur Konrad II, de stichter van de Salische dynastie die hounderd joar an de macht blêef. Konrad II was 'n achterklêenzeune van Liutgarde van Saksn.
In 947 trouwde Liutgarde me Konrad de Rôoin, den hertog van Lotharingen. Under zeune was Otto I van Karinthië. Zyn oudste zeune Hendrik van Speyer was de voader van keizer Konrad II de Saliër.
Liutgard ligt begroavn in 't Sint-Albanusklôoster in Mainz.