Mêeuwn

Van Wikipedia

Mêeuwn zyn zêeveugels van de familie Laridae by d' orde steltlooperachtign (Charadriiformes). Der zyn 102 sôortn bekend. 't Zyn over 't algemêen reedlyk grôote veugels, mêestal grysde of wit, dikwyls mè zwarte têekniengn ip under kop en bek. Z' èn e typische schelle, krysnde stemme (roep). Z' èn e stevige, reedlyk langn bek en zwemvliezn an under pôotn.

De sterns wordn deur de IOC World Bird List ook gereeknd by de familie en vormn doar een oenderfamilie. Moa dikwyls wordn ze nog ingedêeld in een eign familie (de Sternidae). Gemiddeld zyn sterns slanker en kleinder met e fyntige, puntign bek.

De mêeste mêeuwn, lyk de sôortn van 't geslacht Larus, zyn vlêeseters. De prôoibêestn bestoan surtout uut krabbn en visjes. De grotste sôortn kunn styf lange leevn. Der is e geval bekend van e zilvermêeuwe die 49 joar gekommn is.

De wuuvetjes leggn twêe of drie gespikkelde eiers in e nest gemakt van plantoardig materioal. De joengsjes wordn geboorn met doenker gevlekt dons en ze kunn direct loopn.

Geslachtn[bewerkn | brontekst bewerken]

"Echte" mêeuwn

  • Chroicocephalus (12 sôortn, woaroender de Kokmêeuwe)
  • Creagrus (1 sôorte, Zwoaluwsteirtmêeuwe)
  • Hydrocoloeus (1 sôorte: Dwergmêeuwe)
  • Ichthyaetus (6 sôortn, woaroender de Zwartkopmêeuwe)
  • Larus (24 sôortn, woaroender de Zilvermêeuwe en de Mantelmêeuwn)
  • Leucophaeus (5 sôortn, waaroender de Franklins mêeuwe)
  • Pagophila (1 sôorte: Ivoormêeuwe)
  • Rhodostethia (1 sôorte: Ross' mêeuwe)
  • Rissa (2 sôortn Drietêenmêeuwn)
  • Rynchops (3 sôortn Schoarbekkn)
  • Xema (1 sôorte: Vorksteirtmêeuwe)

Sterns

  • Anous (3 sôortn Noddy's)
  • Chlidonias (4 sôortn, woaroender de Zwarte stern)
  • Gelochelidon (1 sôorte: Lachstern)
  • Gygis (1 sôorte: Opoalstern)
  • Hydroprogne (1 sôorte: Reuzestern)
  • Larosterna (1 sôorte: Incastern)
  • Onychoprion (4 sôortn woaroender de Boente stern)
  • Phaetusa (1 sôorte: Grôotbekstern)
  • Procelsterna (2 sôortn Noddy's)
  • Sterna (13 sôortn, woaroender de Visdief en de Noordse stern)
  • Sternula (7 sôortn, waaroender de Dwergstern)
  • Thalasseus (7 sôortn, woaroender de Gilwbekstern)
Wikimedia Commons