Marrakesh
Marrakesh of Marrakech [1] (Berbersch : Meṛṛakec, ⵎⴻⵕⵕⴰⴽⴻⵛ}}; Aroabiesch : مراكش ) is e belangryke stad in Marokko, e land in 't Nôordwestn van Afrika. 't Is de vierde grotste stad van 't land, achtre Casablanca, Rabat en Fes, en 't is d' oofplatse van de middn-zuudwestlikke streeke van Marrakesh-Tensift-El Haouz. Geleegn in 't Nôordn van de voet van 't mê snêew bedekte Atlas-gebergte, is Marrakesh vanip de weg 580 km te Zuudwestn van Tanger, 327 km te Zuudwestn van de Marokkoansche oofstad Rabat, 239 km te Zuudn van Casablanca, en 246 km te Nôordôostn van Agadir.
Marrakesh is meuglik de belangrykste van Marokko zyn Vier Keizerssteedn (steedn die gebowd wierdn deur Marokkoansche Berberrykn). De streeke is beweund deur Berbers van in 't Stêentydperk, mo de teegnwôordige stad wierd gesticht in 1062 AD deur Abu Bakr ibn Umar, oofdman en kozyn van den Almoraviedn-keunienk Yusuf ibn Tashfin. In de twoafste êewe bowdn de Almoraviedn veele madrassas (Koran-schooln) en moskeejn in Marrakesh die invloedn verroan uut Andalusië. De rôo muurn van de stad woarn gebowd deur Ali ibn Yusuf in 1122-1123, en verschillnde gebown ipgericht mê rôo zandstêen in die tyd, ên an de stad de bynaame gegeevn van de "Rôo Stad" of den "Ookre Stad". Marrakesh wierd rap grotre en 't gruujde uut toe e kulturêele, godsdienstige en kommersjêel middelpunt vo de Maghreb en vo 't sub-Sahareesch Afrika; Jemaa el-Fnaa is 't drukste pling in Afrika.
|
Mêer ofbeeldiengn die ier by passn ku je vien ip Marrakech ip Wikimedia Commons. |
Verwyziengn
[bewerkn | brontekst bewerken]<references>