Michelle van Valois
Michelle van Valois of Michelle van Vrankryk (Parys, 11 januoari 1395 - Gent, 8 juli 1422) was e Fransche prinsesse van 't Huus Valois en deur heur trouw hertoginne van Bourgondië. Ze was e dochter van Charles VI van Vrankryk en Isabella van Beiern.
In juni 1409 trouwde ze in Parys mè Filips, groaf van Charolais, loater Filips de Goein genoemd, die in 1419 't hertogdom Bourgondië en de groafschappn Vloandern, Artesië en Franche-Comté erfde van zyn voader Jan zounder Vrêes. Ze krêegn e dochter Agnes die al gestorvn is in heur kiendertyd. In 1413 verhuusdegn ze noa Vloandern woa da Michelle styf geirn gezien was. Ze verblêef mêestal in 't Prinsnhof in Gent.
Ze stierf doar in 1422 achter e korte ziekte, nog moa 27 joar oud. Der woarn geruchtn da ze vergiftigd zou gewist zyn deur e geweezn vertrouwelienge, de Duutsche dame van Viesville, die recent by de jounge gravinne in diskrediet was gevalln en zou wordn weggezoundn noar Aire, juste vôor heur dôod.
Z' is begroavn in 't klôoster van 't Gentsche Sint-Baafs. Der is e stik van heur graf bewoard gebleevn.
Den 21stn oktober van 't zelfste joar is ook heur voader gestorvn.
|
Ofbeeldiengn die ier by passn ku je vien in de categorie Michelle of Valois van Wikimedia Commons. |