Huus Valois

Van Wikipedia
Naar navigatie springen Naar zoeken springen
't Woapnschild van 't Huus Valois

't Huus Valois was e Frãnsche dynastie die regeerde van 1328 tout 1589. 't Was e zytak van de keuniengn van Vrankryk van 't Huus Capet. Ze wierdn ipgevolgd deur et Huus Bourbon.

Nog e zytak was 't Huus Valois-Bourgondië. Ze regeerdn als hertog van Bourgondië van 1363 tout 1482 en als hertog van Broabant van 1406.

't Huus Valois-Bourgondië verwyst noa de dynastie die begost achter da den hertog van Bourgondië, Philippe van Rouvres, gestorvn was in 1361. 't Hertogdom Bourgondië wierd g'annexeerd deur de Frãnsche keunienk Jean II van 't Huus Valois, die 't in 1363 an zyn vierde zeune Filips de Stoutn gaf.

Z'hen e belangryke rolle gespeeld in de geschienisse van de Nederlandn. De periode van de Bourgondische hertoogn in Vloandern wierd ingezet met den trouw van Filips de Stoutn me Margaretha van Male.

Begun van 't Huus Valois[bewerkn | brontekst bewerken]

Charles IV van Vrankryk, de joungste zeune van Philippe IV le Bel, stierf zounder ipvolger.

Zyn nounkel, Charles van Valois, de joungere broere van Philippe le Bel, was groaf van Valois en stamvoader van de nieuwe dynastie. Zyn zeune Philippe VI was den êeste keunienk van 't Huus Valois.

Verwantschap met andere dynastieën[bewerkn | brontekst bewerken]

Généalogie Charles V.svg
Wikimedia Commons