Nachtschoafamilie

Van Wikipedia

De nachtschoafamilie (Solanaceae) is e familie van de bedektzoadign of blommeplantn (Angiospermae of Magnoliophyta), orde Solanales. 't Zyn kruudachtige plantn, struukn, boomn of houtige klemplantn.

Der zyn e goeie 95 geslachtn en 2700 sôortn, over hêel de weireld verspreid (uutgezoenderd Antarctica), moa surtout in Zuud- en Middn-Amerika.

De familie omvat belangryke eetboare sôortn, lyk de petatte (Solanum tuberosum), tomatte (Solanum lycopersicum), aubergine (Solanum melongena) en paprika (Capsicum), moar ook verschillige populaire sierplantn, lyk Petunia, Schizanthus en Salpiglossis. Sommigte sôortn, die alkaloiedn bevattn, zyn giftig en gekend vor under geneeskundige krachtn en uutwerkienge ip de psyche, lyk belladonna, zwarte nachtschoa, Brugmansia, Datura, Mandragora en toebak.

Atropa belladonna