Aubergine

Van Wikipedia
Ga naar: Begunplekkn, zoeken

D'aubergine (Solanum melongena, of Solanum esculentum) is e plante uut de nachtschoafamilie (Solanaceae). De plante komt van ôorsproeng uut Myanmar en is deur d'Arabiern in de middelêeuwn in Andalusië g'ïntroduceerd. Sedert ênigtn tyd wordt 't groensel ook in uze streke gekwikt. In China en Indië is d'aubergine al duuzende joarn bekend.

De sôorte die in de Vloanders 't mêest verkocht is, èt e glanznde doenkerpurpere pele en bykan wit vruchtvlêes. De kleur aubergine ist ernoa vernoemd. De smoake is bitter toet neutroal en zit surtout geconcentreerd in de pele. Doadeure kan aubergine mè bykan ieder ander ingrediënt gecombineerd wordn, surtout mè stevige smoakmoakers lyk look of geurige groene kruudn lyk marjolein en basilicum.

't Woord 'aubergine' is ofgeleid van 't Sanskriet 'vatinganah' (वातिगगम). Uut 't Sankskriet is 't 'badingan' gekommn in 't Perzisch en doarachter 'al-badhinjan' (باذنجان) in 't Arabisch. In 't Cataloans is 't 'alberginia' en dat is deur de Frãnsche verbasterd toet aubergine. D'Iengelsche èn 't woord overgepakt in de loate achttienste êeuwe, moar in Amerikoans Iengels noemt de vrucht 'eggplant'. Da woord is vo den êeste kêe ipgetêeknd in 1767 en was ôorsproenkelyk van toepassienge ip de witte sôortn.

Gerechtn met aubergine[bewerkn | brontekst bewerken]

Bekende gerechtn met aubergines zyn moussaka uut de Grieksche keukn, mutabal en baba ganoesj uut de Libaneesche keukn, melanzane alla parmigiana uut d'Italioansche keukn, escalivada uut de Cataloansche keukn, ratatouille uut de Provençoalsche keukn en İmambayıldı uut de Turksche keuken.

Mande aubergines
Wikimedia Commons