Naar inhoud springen

Neushoorns

Van Wikipedia
(deureverweezn van Neusoorns)

De neushoorns (Rhinocerotidae) zyn e familie van oeneevnhoevign (Perissodactyla) mè nu nog vuuf sôortn die in Afrika en Azië leevn. Z' hèn e krachtig lyf, korte pôotn mè drie têens, en e grôte kop met êen of twèe hoorns, woaran dan z' hunder noame te dankn hèn. Neushoorns zyn plante-eters. Z' eetn surtout stevig gas of taksjes, moa sommigte eetn ook allerhande vruchtn.

Vele sôortn zyn uutgestorvn in de loop van de joarn deur klimatologische veranderiengn, lik de Nôord-Amerikoansche en Euraziatische sôortn. De neushoornsôortn die d'n dag van vandoage nog assan bestoan zyn de witte en zwarte neushoorn in Afrika te zuudn van de Sahara, en d'n Indische, Javoansche en Sumatroansche neushoorn in Zuudôost-Azië, woarvan da sommigte ook were bedreigd zyn deur de verniëtigienge van hunder leefgebiëd en stroperië vor hunder hoorns.

De noame van de witte en de zwarte neushoorn berust ip e toalkundig misverstand. In 't Afrikoans wierdn ze puntlip en wijdlip genoemd. D' Iengelsche vertoaldn wijd deur white en azo wierd d'n andern automoatisch black.

Geslachtn en sôortn[bewerkn | brontekst bewerken]

  • Ceratotherium
    • Ceratotherium simum, witte neushoorn
  • Dicerorhinus
    • Dicerorhinus sumatrensis, Sumatroansche neushoorn
  • Diceros
    • Diceros bicornis, zwarte neushoorn
  • Rhinoceros
    • Rhinoceros unicornis, Indische neushoorn of pantserneushoorn
    • Rhinoceros sondaicus, Javoansche neushoorn
Wikimedia Commons