Nicolas Lombaerts

Van Wikipedia
Naar navigatie springen Naar zoeken springen
Nicolas Lombaerts

Nicolas Lombaerts (Brugge, 20 moarte 1985) is e Belgischn foetbollist die voen 't moment in Rusland speelt by Zenit Sint-Petersburg. E speelt mêestol lienks vanachtern.

Jeugd[bewerkn | brontekst bewerken]

Lombaerts e hêel ze jeugd by Club Brugge espeeld, oendermêer tope me Glenn Verbauwhede en Jason Vandelannoite, die in 't zeste joar ebôorn zyn. En is oek verschillnde keirs uperoopn voen de nationoale jeugdploegn.

Profcarrière[bewerkn | brontekst bewerken]

Omdat 'n nie zeker wos van e plekke in 'n êestn ploeg van Club, is 'n veruusd nor AA Gent. Doa rocht 'n in 'n êestn ploeg in 2005-2006 en ne krêeg mêestol goeie kritiekn. In 't begun van 't sezoen 2007-2008 (achter e sterk EK voen beloftn) is 'n no Sint-Petersburg egoan (Dick Advocaat wos doa trainer), woa dat 'n vele mêer geld kuste verdienn.

Rôo Duvel[bewerkn | brontekst bewerken]

Up 'n 11ste meie van 2006 et 'n voen 'n êeste kêe meiedoan me de Rôo Duvels, teegn Saoedi-Arabië.

Den 12stn oktober 2010 et 'n zyn êeste golle gemakt vo de nationale ploeg in e kwalificoatiematch vo 't EK 2012 teegn Ôostnryk. België kwam 4-3 vôorn, mor uutendelik speeldn ze nog 4-4 gelykig en België was uutgeschoakeld. De 6de september 2011 makte Lombaerts zyn twidde golle vo de Rôo Duvels in een oefnmatch teegn de Verênigde Stoatn.

Trivia[bewerkn | brontekst bewerken]

Lombaerts i begunn me vors lêern, e dei rechtn. Beist dat 'n by Gent foetbolde, is 'n dat bluuvn doen. Achter zyn veruus no Rusland, is 'n ogliek uuteschid.

Externe koppelienge[bewerkn | brontekst bewerken]


Wikimedia Commons