Nigelle

Van Wikipedia
Naar navigatie springen Naar zoeken springen
Dat artikel es geschreevn in 't Noordelik West-Vlams.

Nigelle of zwarte komyn (Latyn: Nigella sativa), is 'n eenjoarige, kruudachtige plante en bekende soorte van de ranoenkelfamilie. Oendanks de noame "zwarte komyn" èt de plante nieks te moakn met de geweune komyn (Cuminum cyminum).

Nigelle is ofkomstig van 't Middn-Oostn en Zuud-Europa. Den dag van vandoage wordt 't surtout in Indië, Egypte en Turkeye geteeld.

Kenmerkn[bewerkn | brontekst bewerken]

De plante groeit à peu près 60 cm hoge en z' è pluumachtige bloarn en witblauwe blommetjes. Uut de blommn oentstoan zoaddoozn, woarin dan der doenkerbruune toet zwarte zoadn zittn die e bèetje trekkn ip sesamzoadjes. De zoadn bevattn linolzeur, oliezeur en saponine.

Geschiedenisse[bewerkn | brontekst bewerken]

Den dokteur van Toetanchamon verhielp hoestn al mè nigelle. Cleopatra deed nigelle-olie in 't woater van eur baing en Nefertete gebruukte de olie vor e schoone teint. Ook in 't oude Grieknland was de werkienge van nigelle bekend. Hippocrates gebruukte 't nateurlyk geneesmiddel ter versterkienge by algemeene zwakte van lichoam en geest. Ook in 't Oud Testament wordt nigelle vermeld. Volgens Mohammed hielp nigelle teegn alles.

Geneeskunde[bewerkn | brontekst bewerken]

De vele essentiële oenverzoadigde vetzeurn in nigelle èn e gunstig effect ip verschillige biochemische processn in 't lichoam. Vetzeurn kunn immuunreacsjes lyk polln-en stofallergien, astma, acne en eczema teegngoan. Nigelle zoudt ook slym iplossn en galle verdryvn.

Keukn[bewerkn | brontekst bewerken]

Nigelle wordt surtout in de Turksche, oostersche en Indische keukn gebruukt, vb. ip brood. 't Wordt ook gebruukt vo groenselgerechtn, salades, ingemakte groensels, chutney, lams-en geveugeltegerechtn ip smoak te briengn.

Nigelle is in zoadn of gemoaln te verkrygn. 't Is te combineern mè chilipepers, look, laos, gember, mente, koriander en kurkuma.

Wikimedia Commons