Nunnebier

Dit artikel es geschreevn in 't Poperiengs, en da zou best ozô bluuvn.

---

Nunnebier: glas en flesche

Nunnebier is e streekbier uut Poperienge da bestoat sedert 2007.

Nunnebier is e goudblound, kloar degustoasjebier van 7,7°. D'ingrediëntn zyn mout, gist, woater en ommel. De smoake is, deur de gebruuktn ommel, bitter. Nunnebier is verkocht in fleschen van 33 santeliter en in voatn van 30 liter.

Carnavalsstunt

Nunnebier is begun lik e kluchtje. Op e persconferensje lanceernde e brouwer (Nevejan uut Krombeke), een ommelboer (Joris Cambie), e caféboas en e reclamemoaker e nieuw bier: Poperings Nunnebier. Da bier moste concureern me 'n poater uut Westvleetern. De stunt wos elukt, want 't verhaal kwam in ol de gazettn. Moar e poar doagn loater kwam et uut: 't wos e stunt vo 't carnaval, en mêer bepoald van de groep Sint-Syfilia. Moar intusschenwyne wos de vroage na 't Nunnebier (da ni bestoeg!) zo grôot ekommn, dat brouwer Nevejan begun is me brouwn. En 't adde van by 't begun vele succes.

Buvrinnehop

'n Ommel in Nunnebier is redelik exclusief. Volgens ommelboer Cambie is Buvrinnehop een oude sôorte ommel die ni vele opbriengt. En adde d'r moa en plante of tiene van stoan dat 'n kwikte op biobasis.