Oblast Moermansk
D'n oblast Moermansk (Russisch: Мурманская область; Moermanskaja oblast) is 'n oblast (e federoal subject) in nôordwestelik Europees Rusland. 't Administratief center is de stad Moermansk.
Geografisch geziën ligt d'n oblast Moermansk vo 't grotste dêel ip 't Kola-schiereiland, bykan hêlegans te nôordn van de poolcirkel, en 't makt dêel uut van Lapland, die hem over vier landn uutstrekt. D'n oblast grenst in 't zuudn an de Republiek Karelië in Rusland, in 't westn an de regio Lapland in Finland en in 't nôordwestn an de provinsje Finnmark in Nôorweegn. In 't nôordn van d'n oblast ligt de Barentszêe en in 't zuudn en 't ôostn de Witte Zêe. D'n oblast Archangelsk van Rusland ligt an d'n overkant van de Witte Zêe.
E grôot dêel van 't reliëf van d'n oblast is heuvelachtig. 't Hoogste gebergte wordt gevormd deur 't Chibiny-massief. 't Nôordn van d'n oblast is surtout bedekt met toendra, binst dat de zudelike regio's in de taiga-zone lign. Der zyn mêer of 100.000 meern en 18.000 riviern in d'n oblast.
-
Taiga mè zicht ip 't Imandrameer en de Chibinybergn -
Golve van Kandalaksja -
Zicht ip de stad Moermansk
|
Ofbeeldiengn die ier by passn ku je vien in de categorie Murmansk Oblast van Wikimedia Commons. |