Olm (Vrankryk)

Olm Lomme

Olm in 't arroundissement Rysel
Geografie
Regio	Hauts-de-France
Departement	Noorderdepartement
Arroundissement	Rysel
Kanton	Lomme
Coördinoatn	50°38′NB 3°00′OL
Ippervlak	9,31 km²
Inweuners
Inweuners Bevolkiengsdichtheid	27 607 (2008) 2965 inw./km²
Andere
Burgemêester	'n zelfstn lyk van Rysel
Postcode	59160
Webadres	Site van Olm

Olm ofte Lomme es e plekke in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern. Olm es en dêelgemêente (commune associée in't Frans) van de stad Rysel en ligt o de westkant van't stadscenter van Rysel, o den and're kant van de Deule. Olm grenst an de gemêentn Loos, Sequedin, Engelo, Ennetières-en-Weppes, Kampingem, Permeke, Pérenchies, Lompret, Lambertsrôo en an de reste van Rysel (mêer bepoald an de wyk Bois Blancs). By Olm ôorn ôok nog de wykn La Mitterie, Canteleu en Le Marais.

Noame

D'ôorsproung van de noame van de plekke lykt were te goan tout an d'elfde êeuwe mè en plekke die villa Ulma noemdigde in't Latyn, wa were te viendn es in nen tekst van de stichtienge van de Sint-Pieterskerke van Rysel. De noame komt ezo van't latynsche ulmus die olm wilt zeggn, wa doe peizn da ip de plekke teffrente van die bôomn groeidigd'n.

Geschiedenisse

Êen van d'oudste vermeldiengn van de plekke es van 1066, in een akte van groaf van Vloandern Boudewyn V. Olm wos en ounderdêel van Romoans-Vloandern; Besteurlyk ieng et of van de kasselry Rysel, kerkelyk ôordigde 't êest by 't bisdom Dôornik, derachter by 't bisdom Koameryk. Sint-Bernardus van Clairvaux stichtte der in 1146 en dochter-abdye van dedie in Cîteaux. Olm groeide mettertyd uut langsn de boane van Rysel nor Ermentiers.

Achter de verooveriengn van Lodewyk XIV wierd Olm in 1667 by Vrankryk gesmeetn, juuste lyk de reste van d'oumgeevienge. In de 19de en 20ste êeuwe ountwikkelde Olm em vodder lyk nen industriëln vôorstad van Rysel, surtout in de textiel-, mechaniek- en chimieksector woarn der fabrikkn.

Ofbeeldiengn die ier by passn ku je vien in de categorie Lomme van Wikimedia Commons.