Olm (Vrankryk)

Van Wikipedia
Naar navigatie springen Naar zoeken springen
Vrankryk Olm
Lomme
Ecu bandé or gueules.svg
Lomme.jpg
Olm in 't arroundissement Rysel
Geografie
Regio Hauts-de-France
Departement Noorderdepartement
Arroundissement Rysel
Kanton Lomme
Coördinoatn 50°38′NB 3°00′OL
Ippervlak 9,31 km²
Inweuners
Inweuners

Bevolkiengsdichtheid

27 607 (2008)
2965 inw./km²
Andere
Burgemêester 'n zelfstn lyk van Rysel
Postcode 59160
Webadres Site van Olm


Olm ofte Lomme es e plekke in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern. Olm es en dêelgemêente (commune associée in't Frans) van de stad Rysel en ligt o de westkant van't stadscenter van Rysel, o den and're kant van de Deule. Olm grenst an de gemêentn Loos, Sequedin, Engelo, Ennetières-en-Weppes, Kampingem, Permeke, Pérenchies, Lompret, Lambersart en an de reste van Rysel. By Olm ôorn ôok nog de wykn La Mitterie, Canteleu en Le Marais.

Noame[bewerkn | brontekst bewerken]

D'ôorsproung van de noame van de plekke lykt were te goan tout an d'elfde êeuwe mè en plekke die villa Ulma noemdigde in't Latyn, wa were te viendn es in nen tekst van de stichtienge van de Sint-Pieterskerke van Rysel. De noame komt ezo van't latynsche ulmus die olm wilt zeggn, wa doe peizn da ip de plekke teffrente van die bôomn groeidigd'n.

Geschiedenisse[bewerkn | brontekst bewerken]

Êen van d'oudste vermeldiengn van de plekke es van 1066, in een akte van groaf van Vloandern Boudewyn V. Olm wos en ounderdêel van Romoans-Vloandern; Besteurlyk ieng et of van de kasselry Rysel, kerkelyk ôordigde 't êest by 't bisdom Dôornik, derachter by 't bisdom Koameryk. Sint-Bernardus van Clairvaux stichtte der in 1146 en dochter-abdye van dedie in Cîteaux. Olm groeide mettertyd uut langsn de boane van Rysel nor Ermentiers.

Achter de verooveriengn van Lodewyk XIV wierd Olm in 1667 by Vrankryk gesmeetn, juuste lyk de reste van d'oumgeevienge. In de 19de en 20ste êeuwe ountwikkelde Olm em vodder lyk nen industriëln vôorstad van Rysel, surtout in de textiel-, mechaniek- en chimieksector woarn der fabrikkn.

't Staduus van Olm
Wikimedia Commons