Philippe I van Vrankryk

Van Wikipedia
Naar navigatie springen Naar zoeken springen
Philippe I
1052-1108
Philip I of France · HHWXI28.svg
France Ancient Arms.svg
Keunienk van de Frankn
Periode1060-1108
co-keunienk me zyn voader:
1059-1060
VôorgangerHenri I
IpvolgerLouis VI
VoaderHenri I
MoederAnna van Kiev

Philippe I, van 't Huus Capet (Champagne-et-Fontaine, 23 meie 1052 – Melun, 29 juli 1108) was keunienk van de Frankn van 1060 tout 1108. Je was de zeune van Henri I van Vrankryk en Anna van Kiev.

Zyn moeder gaf hem de noame 'Philippe', van de Griekse noame 'Philippos' (peirdeliefhebber). Z'introduceerde doamee e noame van Griekse origine in West-Europa, wa da styf oungeweune was vor in dien tyd.

Ip 23 meie 1059, an zyn 7 joar, wierd Philippe in de kathedroale van Reims gekrôond tout co-keunienk en ip 25 december 1071 wierd ie nog e ki gekrôond in de kathedroale Notre-Dame van Laon.

Achter 'n dôod van zyn voader was zyn moeder zyn regente tout an zyn 14 joar, van 1060 tout 1066. Zyn nounkel Boudewyn V, de groaf van Vloandern, was ook zyn co-regent.

Achter 'n dôod van Boudewyn VI van Vloandern in 1070, wilde zyn broere Robrecht de Fries vechtn vo zyn erfrecht teegn Boudewyn zyn oudste zeune, Arnulf III van Vloandern en zyn moeder Richilde. In 1071 wierd de Slag by Kassel uutgevochtn. Richilde vroeg hulpe an Philippe I moar Arnulf, die nog mo 15 joar oud was, sneuvelde. Achter de Slag erkende Philippe Robrecht de Fries als nieuwe groaf van Vloandern.

Vrouwn en jounges[bewerkn | brontekst bewerken]

Philippe trouwde in 1072 me Bertha van Holland, stiefdochter van Robrecht de Fries en dochter van Floris I van Holland. Under jounges:

  • Constance (1078-1126).
  • Louis VI (1081-1137), zyn ipvolger
  • Henri (1083-1089)

Je liet zyn vrouwe zittn vo de snelle Bertrada van Montfort. Under huwelik wierd nie erkend deur de kerke. Under jounges:

  • Philippe (ca. 1093-1133)
  • Floris (1095-1119)
  • Cecile (1097-1145)
Wikimedia Commons