Pierre van Outryve d'Ydewalle
Baron Pierre van Outryve d'Ydewalle (Gent 7 januoari 1912 - 3 januoari 1997) wos nen polletieker voo de CVP en gouverneur van West-Vloandern.
Carrière
[bewerkn | brontekst bewerken]Baron Pierre van Outryve d'Ydewalle eit zyn doctoroat rechtn goald an de KULeuven in 1934, woarachter dat ie an de Brusselse balie ingeschreevn wos. In 1938 es 't ie begonn als kabinetschef va minister va Landbouw Hubert Pierlot. Een joar loater wos Pierlot Êeste minister, moar ie bleef Pierre beoudn als kabinetschef. Pierre van Outryve d'Ydewalle kreeg 't er een toake bie, noamelik die va secretoaris va de Ministerroad.
Bist den Twidde Weireldoorloge bleef ie ip vroage va Pierlot achter in België, woar dat ie geheim informant wos voo de regerienge in ballingschap. Direct achter den oorlog es 't ie benoemd gewist als interimgouverneur van West-Vloandern, wa da loater in 1945 definitief bevestigd es. Ie es da gebleevn tot in 1978, en eit ozô de eripbouw van de provincie meegemakt. In 1981 eit ie de titel va Baron gekreegn.
Familie
[bewerkn | brontekst bewerken]Pierre van Outryve d'Ydewalle kwam uut een roemrucht geslacht, de Outryves d'Ydewalles, die actief zyn in rederie, scheepvoartverzekerienge en internationoaln andel. Ie eit ôok een grôte bibliotheke noageloatn an het KADOC die een unieke kyk geeft ip de polletiek in de periode van de Twidde Weireldoorloge.