Professor Dr. J. Sebrechtsstroate

Van Wikipedia
Naar navigatie springen Jump to search
Dat artikel es oorsprounkelik geschreevn in 't Noordelik West-Vlams.

De Minnewoatre-klienieke an de Prof. Dr. J. Sebrechtsstroate.
De Professor Dr. J. Sebrechtsstroate en de Minnewoatreklinieke, gezien van uut de Begyneveste by 't Minnewoatre.

De Professor Dr. J. Sebrechtsstroate is e stroate in Brugge

Geschiednisse[bewerkn | brontekst bewerken]

De Zusters van Liefde van Jezus en Maria kwoamn undre in 1820 in Brugge vestign. Êest in 'n êern-uus in d' Oede Burg, nodien in 't vroegr klôostre van de Kartuuzrinn in de Kartuuzrinnestroate. Ze begostn dr e klienieke vor oengeneeslikke vrowwelikke pasjêntn.

In 1881 beslistn de Burgerlikke Godsuuzn e grôot ospietoal vor oengeneeslikke ziekn te bown en 't toe te vertrown an de Zusters van Liefde. 't Wierd gebowd te zuudn van 't Begynof en teegn de Begyneveste. Stadsasjetik Louis de la Censerie ontwierp 't gebow in 1882 en 't was grêed in 1892. De niew angeleide stroate die dr vôorn liep wierd Gastuusstroate hêetn. In 1930 verlietn de zusters Brugge en de klienieke wierd e dêel van 't Oed Sint-Jan, mê de doa gevestigde ospitoalzusters lik verpleegsters. 't Operoasjekwartier da doa wierd gebowd, was vele joarn de plekke woa de sjieruurg Joseph Sebrechts (1885-1948) opreerde en zyn eign en de klienieke e grôote en vleiende reputoasje bezorgde.

Twêe doagn achtr zyn dôod besliste 't scheepnkolleezje van Brugge de noame "Gastuusstroate" te verandern in Professor Dr. J. Sebrechtsstroate.

De stroate lopt van de Begyneveste no den Ôostmêers.

Dr bestoat in Brugge ook e Professor Dr. J. Sebrechtspark, mo dat ligt 'n ende voddr no 't Nôordn in 't Eezlstroate-kwartier.

E bitje voddr kykn[bewerkn | brontekst bewerken]

  • (nl) Lacquet A. 1948 : In memoriam Professor Dr. J. Sebrechts, in : Jaarboek Kon. Vl. Acad. Geneeskd. Belg.
  • (nl) Schouteet Albert 1977 : De straatnamen van Brugge. Oorsprong en betekenis, Brugge, ISBN 9789062675036
  • (nl) Pannier Robert 1985 : Professor Dr. J. Sebrechts werd 100 jaar geleden geboren, in : Onze Gazette, Brugge, OCMW, 83-85.
  • (nl) Beernaert Brigitte e. a. 2009 : Minnewaterkliniek, in : Zorg, Open monumentendagen 2009, Brugge.
  • (nl) Debrabandere Frans 2011 : Brugse plaatsnamen, in : Brugge die Scone, blz. 28.