Richard Dawkins

Van Wikipedia
Richard Dawkins

Clinton Richard Dawkins (Nairobi, 26 moarte 1941) is een Iengelsn etholoog, evoluusjebioloog en populair-wetenschappelike schryver.

T' hope mè Stephen Jay Gould is Richard Dawkins êen van de bekendste moderne schryvers over de evolutietheorie. Je verdedigt dien theorie mè wetenschappelike argumentn tegen kritiek vanuut zowel wetenschappelike as nie-wetenschappelike kriengn.

J' is een uutgesprookn atheïst, seculier humanist, en skepticus.

Upleidienge[bewerkn | brontekst bewerken]

Toet dat j' acht joar was weundigde Dawkins in Kenia, woa dan zyn ouders een boerdery haan. Derachter zyn ze noar Iengeland verhuusd.

Dawkins studeerdigde zoölogie aan 't unif van Oxford, woardat je wierd ounderweezn deur den Hollandschn etholoog, zoöloog en Nobelpryswinnoare Niko Tinbergen. Van 1967 toet an 1969 was tjie assisteernd hoogleroare in de zoölogie an 't unif in Berkeley, Californië. Sedert 1970 is tjie as zoöloog verboundn an 't unif van Oxford, woardat je tusschn 1995 en 2008 de post van Simonyi Professor for the Public Understanding of Science haad. Verder is tjie ook nog Fellow of the Royal Society (Britse academie vo nateurwetenschappn). In 2005 kreeg tjie een êredoctoroat van den Vrije Universiteit Brussel, en in 2009 êenn van den Universiteit Antwerpen.

Evolutietheorie en atheïsme[bewerkn | brontekst bewerken]

Dawkins is ounder andere bekend vô 't populariseern van de evolutietheorie in verschillende boekn, met de vornaamste The Selfish Gene (1976), The Blind Watchmaker (1986) en The Ancestor's Tale (2004).

Zyn vornoamste bydrage toet d' evolutietheorie is 't idee da nateurlike seleksje up de geenn werkt, zodoanig da je zou kunn'n peizn da 't lichaam van een bêeste of een plante moa juuste een maniere is vor het DNA hem vôort te doen zettn.

Zyn upvattiengn over d' evolutietheorie brochtn in conflict met de creationisten. Zyn boek The God Delusion (2006) kan gezien wordn as een ofrekening met die overtugiengn van uut 't oogpunt van een atheïst, binst da zyn boek The Greatest Show on Earth: The Evidence for Evolution mêer geschreevn vanuut 't standpunt van een wetenschapper.

Neffest zyn publicoasjes is tjie ook een veelgevraagd spreker en j' hèt an veel televisieprograms en -debattn dêelgenoomn.

Bibliografie[bewerkn | brontekst bewerken]

  • 1976 - The Selfish Gene
  • 1982 - The Extended Phenotype
  • 1986 - The Blind Watchmaker
  • 1995 - River Out Of Eden
  • 1996 - Climbing Mount Improbable
  • 1998 - Unweaving the Rainbow
  • 2003 - A Devil's Chaplain
  • 2004 - The Ancestor's Tale: A Pilgrimage to the Dawn of Life
  • 2006 - The God Delusion
  • 2009 - The Greatest Show on Earth: The Evidence for Evolution

Documentaires en debattn[bewerkn | brontekst bewerken]

  • Nice Guys Finish First (1987)
  • The Blind Watchmaker (1987)
  • Growing Up in the Universe (1991)
  • Break the Science Barrier (1996)
  • The Root of all Evil? (2006)
  • The Enemies of Reason (2007)
  • The Four Horsemen (2007)
  • The Genius of Charles Darwin (2008)

Externe koppelienge[bewerkn | brontekst bewerken]