Richard van Bourgondië
| 858-921 | ||||||
|---|---|---|---|---|---|---|
.svg) |
||||||
|
||||||
|
't Hertogdom in West-Francië van Richard Justiciarius (bruun).
De twi keunienkrykn: Lêger-Bourgondië (oranje) van Boso van Provence en Ipper-Bourgondië (groen) van Rudolf I.
Richard van Bourgondië of Richard Justiciarius (de rechtsbrienger) (858-921), van de familie van de Bosoniedn, was groaf van Autun van 880 en den êestn hertog van Bourgondië van 918 tout 921.
Je was e zeune van groaf Bivinus van Vienne en e broere van Boso van Provence. Zyn zuster Richildis was de twidde vrouwe van Karel de Kletsn.
In 880 gaf Karloman van West-Francië hem et groafschap Autun. Achter den dôod van Karel den Dikkn in 888 steundegt ie Rudolf I vo keunienk van Ipper-Bourgondië te kommn en je trouwde mè zyn zuster Adelaide, dochter van Konrad II van Auxerre van 't Huus Welf.
Ounder Karel de Simpeln krêegt ie mêer en mêer te zeggn deur zyn overwinniengn ip de Vikings en deur zyn reputoasje van Rechtsbrienger. In 911 hielpt ie mee an d'overwinnienge ip Rollo in de Slag van Chartres en in 918 krêegt ie den titel van hertog: dux Burgundionem of dux Burgundiae.
Vrouwe en jounges[bewerkn | brontekst bewerken]
In 888 ist 'n getrouwd met Adelaide van Auxerre. Under jounges:
- Rudolf/Raoul, zyn ipvolger en loater keunienk van West-Francië
- Hugo de Zwartn, loater hertog van Bourgondië
- Ermengard, getrouwd mè Gilbert van Chalon, hertog van Bourgondië
- Adelaide, getrouwd mè Reginar II, groaf van Henegouwn
- Richilde, getrouwd mè Litaud I, groaf van Mâcon