Boso van Provence
| 844-887 | ||||||
|---|---|---|---|---|---|---|
| ||||||
 (Provence) |
||||||
|
||||||
|
Boso van Provence of Boso van Vienne (844 - 11 januoari 887), van de familie van de Bosoniedn, was van 879 tout 887 keunienk van Lêger-Bourgondië (Provence).
Je was e zeune van groaf Bivinus van Metz en e broere van Richard, den êestn hertog van Bourgondië. Zyn zuster Richildis was de twidde vrouwe van Karel de Kletsn.
Keizer Lodewyk II, ook keunienk van Italië en van Provence, wierd in 875 ipgevolgd deur Karel de Kletsn. Boso en zyn broere Richard giengn mee met hem noar Italië vo zyn keizerskrônienge. Karel benoemde Boso doar in februoari 876 in Pavia tout hertog en ounderkeunienk van Italië en hertog van Provence.
Moar achter 'n dôod van Karel zyn zeune Lodewyk den Hakkeloare wildn de eedeln van Provence zyn twi zeuns Lodewyk III en Karloman nie anveirdn ols keunienk van Provence en ze koozn Boso in de plekke. Deur te trouwn met de dochter van keizer Lodewyk II haad 'n zyn recht ip ipvolgienge nog versterkt. Zyn keunienkryk Lêger-Bourgondië (of Cisjuranië) wierd gesticht mè Vienne ols hoofdstad.
Vrouwe en jounges[bewerkn | brontekst bewerken]
Boso was in 876 getrouwd met Ermengarde, dochter van keizer Lodewyk II van Italië. Under jounges:
- Willa, getrouwd mè Rudolf I van Bourgondië
- Engelberga van Provence, getrouwd mè Willem I van Aquitanië
- Irmgard, getrouwd mè Manasses I van Chalon
- Lodewyk III, zyn ipvolger. Ook keunienk van Italië en Rôomse keizer
De Karoliengers Lodewyk III en Karloman van West-Francië, en Karel den Dikkn en Lodewyk III van Oost-Francië vormdn e frount teegn hem en ze plunderdn Vienne.
Achter zyn dôod in 887 volgde zyn zeune Lodewyk den Blendn hem ip.
