Robert II van Vrankryk

Van Wikipedia
Robert II
972-1031
Keunienk van de Frankn
Periode996-1031
co-keunienk me zyn voader:
987-996
me zyn zeune Hugo Magnus: 1017-1025
me zyn zeune Henri I:
1027-1031
VôorgangerHugo Capet
IpvolgerHenri I
Hertog van Bourgondië
Periode1004–1016
VôorgangerOtto Willem
IpvolgerHenri I
VoaderHugo Capet
MoederAdelaide van Aquitanië

Robert II, bygenoamd de Vroomn, van 't Huus Capet (Orléans, ca. 972-Melun, 20 juli 1031) was den êenigste zeune van Hugo Capet en Adelaide van Aquitanië.

Direct achter zyn eign krôonienge in juli 987 wilde Hugo Capet zyn zeune ook keunienk moakn. Azo kost de trôone zeker in de familie bluuvn. Ip 30 december 987 wierd Robert gekrôond als co-keunienk in Orléans.

Achter 'n dôod van zyn voader ip 24 oktober 996, kwamt ie keunienk van de Frankn. Zyn regerienge deurde 35 joar, van 996 tout 1031, wat da styf lange was vor in dien tyd.

In 1004 kwamt ie hertog van Bourgondië en in 1016 gaft ie 't hertogdom an zyn zeune Henri I, die 't in 1032 deure gaf an zyn broere Robert I van Bourgondië.

Robert II was standvastig bezig me zyn domein uut te breidn en doadeure haad ie veel vyandn w.o. ook zyn drie zeuns: Hugo Magnus, Henri I en Robert.

Je was ook gekend vo zyn moeilikke huwelikkn. Je trouwde drie kis, woavan dat 'n der twêe g'annuleerd het en vo zyn derde huwelik het de paus moetn tusschn kommn.

Robert ha willn trouwn me Bertha van Bourgondië, een dochter van Konrad I van Bourgondië, mo ze woarn verwant in de zesde groad, wa da teegn de wettn van de kerke was, en doarom was zyn voader nie akkôord. In de plekke wilde Hugo zyn zeune loatn trouwn met een Byzantynsche. Moar achter da da mislukt was, arrangeerdegt ie in 989 een huwelik me Rozala-Suzanna van Ivrea, die veel ouder was. Ze was weeuwe van Arnulf II van Vloandern en moeder van de minderjoarige Boudewyn IV van Vloandern. Robert trouwde teegn zyn gouste mo van 't moment dat 'n keunienk was het 'n heur an de kant gezet vo toch te kunn trouwn mè Bertha van Bourgondië, die ton weeuwe was van Odo I van Blois.

Deur de bloedverwantschap me Bertha en de ounwettige schiddienge van Suzanna kwam Robert ounder grôotn druk te stoan van de kerke. Robert blêef weigern vo zyn huwelik me Bertha stop te zettn, en uutendelik wierdn ze g'excommuniceerd deur paus Gregorius V. Mo Robert blêef toch getrouwd me Bertha tout in 1003.

Vor et hertogdom Bourgondië an zyn krôondomein te kunn toevoegn, paste zyn excommunicoasje slicht en wast ie veplicht vo t'ounderhandeln me paus Silvester II. Je schidde van Bertha en trouwde me Constance van Arles. Zyn excommunicoasje wierd stop gezet, mo je zette zyn reloasje me Bertha geweune vôort. Zyn huwelik me Constance was e mislukkienge, mo ze zorgde wel vor erfgenoamn.

Lik zyn voader Hugo Capet stelde Robert II zyn oudste zeune Hugo Magnus an als co-keunienk. Moar Hugo Magnus begost loater te rebelleern en je stierf in 1025 an zyn 18 joar binst den ipstand teegn zyn voader.

In de latste joarn van zyn leevn was Robert II in oorloge me zyn zeuns Henri en Robert. Ze wierdn gesteund deur under moeder. Binst die burgeroorloge teegn zyn eign zeuns ist ie gestorvn ip 20 juli 1031 by Melun. J'is begroavn in de kathedroale van Saint-Denis.

Vrouwn en jounges[bewerkn | brontekst bewerken]

Robert II trouwde drie kis:

Robert II haad ook een ounwettige zeune: Rudolf, bisschop van Bourges.

Wikimedia Commons