Hugo Capet

Hugo Capet (Frãns: Hugues Capet) (Dourdan, 941 – Les Juifs (by Prasville, Chartres), 24 oktober 996) was keunienk van de Frankn van 987 tout 996. Je was de stichter en êeste keunienk van Vrankryk van et Huus Capet. Je wierd verkoozn als ipvolger van Lodewyk V, de latste keunienk van de Karoliengers.

Hugo Capet was e zeune van Hugo de Grôotn, hertog van de Frankn. Zyn moeder was Hadwig van Saksn, dochter van de Duutsche keunienk Hendrik de Veugeloare en zuster van keizer Otto I.

Langs zyn grotmoeder an voaders kant, Beatrice van Vermandois, stamdegt ie of van Karel de Grôotn en zyn ounwettige klêenzeune Bernard van Italië, die de stichter was van 't Huus Vermandois. Ze was de dochter van Herbert I van Vermandois en e zuster van Herbert II van Vermandois.

Zyn grotvoader an voaders kant was keunienk Robert I van West-Francië van et machtig Huus van de Robertynn.

Vrankryk ounder Hugo Capet

Huwelik en jounges

Hugo Capet trouwde met Adelaide van Aquitanië, dochter van Willem III, groaf van Poitiers en hertog van Aquitanië. Heur moeder was Adele van Normandië, een dochter van Rollo.

Under jounges:

• Gisele (ca. 968-ca. 1000)
• Edwige (ca. 969-1013)
• Robert II (972-1031), zyn ipvolger als keunienk van Vrankryk
• Adelaide (ca. 973-1068)

Ofbeeldiengn die ier by passn ku je vien in de categorie Hugh Capet of France van Wikimedia Commons.