Roekoe

Van Wikipedia
Naar navigatie springen Naar zoeken springen

Roekoe wos e online duvemelkersmanagementspel. In't spel krig je en oantal duuvn en die moe je goe ounderoddn zoda ze goe trainn vo beter te presteern in de vluchtn.

't Spel trekt e bitje ip Hattrick, e voetbolmanagementspel. Ezo ester ôok e indelinge in 'klasses' mo die wordn in Roekoe "rayons" genoemd. Iedere weke zyn der 1 of 2 regionoale vluchtn (da werd bepoald deur nen democroatisch verkoozn Rayonleider) vo de leedn van dezelfdn rayon en iermee kundje puntn winn vo et regionoal klassement en ezo kundje promoveern of degradeern. Iedere weke ester ôok nen nationoaln vlucht en ieran kun iedern duvemelker van 'tzelfste land meedoen en iermee kundje puntn winn vo et nationoal joarklassement. Der woarn 3 landn woar da je joe in koest schryvn; België, Ingeland en Olland, mo sinsn d'eriprichtienge kundje joe ollene mo in België mji inskrivvn.

In Roekoe moe je joe duuvn goe soigneern; ge moe ulder voedinge bepoaln en anvulln, personêel anwervn, duvekottn bouwn, 't weer in de goatn oddn, en ge moe der ôok vo zorgn da je financies nie in 't rôo groakn. Ge kun ook duuvn kôopn en verkôopn en ezo kundje redelik vele geld verdienn. En andere maniere vo jun duuvntil uut te breidn es 2 duuvn te koppeln en a je sjanse i komt er achter e poar doagn van gepoep e joungske van.

Doarnoast es Roekoe ôok ne gezellign gemêenschap me vele interactie tussn de leedn.

Ip 22 november 2007 werd beslootn vo Roekoe te sluutn omda 't uut zyn voegn gegroeid wos en 't vo d'ôorspronkelike iprichters ne sleur wos gekommn die te veel tyd paktige. Mo ip 1 oktober 2008 es Roekoe erbegonn mo et oantal leedn es nu wel beperkt, van tyd tot tyd kommn der nieuwe plekkn vry. Ip 3 februari 2009 kreeg Roekoe e vermeldienge in den Humo by 't ounderdêel Linke Boel en sins 8 februari bestoat er Radio Roekoe, nen online radio via live-streaming die verslag uutbringt en liedjes droait bist de belangrykste nationoale vluchtn lik Barcelona. Roekoe es ondertusschn stopgezet gewist in oktober 2009 deur e reke van serverprobleemn en de geminderde motivatie van de iprichters en gamemasters.

Externe koppelienge[bewerkn | brontekst bewerken]