Sarthe (departement)

Van Wikipedia
Naar navigatie springen Naar zoeken springen
Vrankryk Sarthe (72)
Drapeau fr département Sarthe.svg Blason du Maine.svg
Sarthe-Position.svg
Liggienge binn'n Vrankryk
Regio Pays de la Loire
Hoofdstad
(Préfecture)
Le Mans
Sous-préfectures La Flèche
Mamers
Ippervlak 6206 km²
Inweuners

Bevolkiengsdichtheid

567.561 (2016)
91 inw./km²
Arrondissementn 3
Kantongs 21
Gemêentes 360
{{{foto}}}
{{{byschrift}}}

Sarthe (72) es 'n departement in de regio Pays de la Loire in't midwestn van Vrankryk. De noame komt van de gelyknoamige riviere die deur 't gebied strôomt. Inweuners van de Sarthe wordn Sarthois genoemd.

Geschiedenisse[bewerkn | brontekst bewerken]

't Departement Sarthe es één van de 83 departementn die gecreëerd zyn binst de Fransche Revoluusje, de vierde moarte 1790. 't Groundgebied dervan bestoat vo 't grôotste stik uut d'istorische provinsje Maine. E klêender stik in't zuudn van't departement ôordigde by Anjou.

Geografie[bewerkn | brontekst bewerken]

Sarthe grenst an de Fransche departementn Orne in't nôord'n, Eure-et-Loir in't nôordôostn, Loir-et-Cher in't ôostn, Indre-et-Loire en Maine-et-Loire in't zuud'n en an Mayenne in't westn.

't Departement Sarthe bestoat uut drie arroundissementn (Le Mans, La Flèche en Mamers) en et 21 kantongs en 360 gemêentn. Sarthe es vrêe landelyk en der zyn, ip d'ôofdplekke Le Mans noa, gin echt grôote stee'n. De grotste gemêent'n noar inweunertal zyn Le Mans, La Flèche, Sablé-sur-Sarthe, Allonnes en La Ferté-Bernard.

De riviere de Sarthe (die en zy-riviere es van de Maine) ligt in't strôomgebied van de Loire en lôopt twèis deur 't departement, vande nôordwestkant deur Le Mans in't midd'n van de streke en ezo were vodder noa't zuudwestn. O de nôordkantn van't departement ligt ôok e gedêelte van't Regionoal nateurpark Normandie-Maine, woavan der ôok stikkn in Orne en Mayenne liggn.

Sport[bewerkn | brontekst bewerken]

De Sarthe es ôok gekend van de Rounde van de Sarthe (Circuit Cycliste Sarthe-Pays de la Loire), e mêerdoagse velokoerse die ier in de streke wierd gereed'n. Mêestol bestoat ze uut nen kortn tydrit en vier ritt'n in lynne. Tout 1975 wos't e koerse voor d'amateurs en sedert 2005 es't en ounderdêel van den UCI Europe Tour en es ze geclassificeerd in de 2.1-categorieje.

By d'ôofdplekke Le Mans ligt ôok 't ottocircuit van Le Mans, da surtout gekend es van de 24 eurn van Le Mans.

Externe koppelienge[bewerkn | brontekst bewerken]

Wikimedia Commons