Scandinoavisch Schiereiland

't Scandinoavisch Schiereiland ligt in Nôord-Europa en omvat grofweg 't vasteland van Zweedn, Nôorweegn en 't nôordwestelyk dêel van Fins Lapland.

't Scandinoavische schiereiland is 't grotste van de schiereilandn van Europa. 't Is oengeveer 1.850 kilometer lank en de brèedte varieert van 370 tot 805 km. 't Scandinoavisch Hoogland, e bergkeetn, bepoalt over 't algemêen de grenze tusschn Nôorweegn en Zweedn.

De grenzn van 't schiereiland zyn:

de Barentszêe in 't nôordn
de Nôorsche Zêe in 't westn
de Nôordzêe in 't zuudwestn
de Baltische Zêe en de Botnische Golve in 't ôostn
Denemarkn in 't zuudn

In 't westn van 't Scandinoavisch Schiereiland ligt de Nôorsche fjordnkust en in 't zuudn de grôte meern (Vänermeer en Vättermeer). Vo de kustn liggn klêene rotseilandn.