Baltische Zêe

Liggienge van de Ôostzêe tusschn Zweedn, Finland, Pooln, Duutsland, Denemarkn en de Baltische stoatn

De Ôostzêe by Międzyzdroje in Pooln

De Baltische Zêe of Ôostzêe is e randzêe van den Atlantischn Oceoan die ruwweg tusschn Zweedn, Finland, Pooln, Duutsland, Denemarkn en de Baltische stoatn in ligt. In 't nôordn en 't ôostn zyn der uutlopers, de Botnische Golf, de Finsche Golf en de Golf van Riga.

Geschiedenisse

De Ôostzêe is êeuwn lank vo d' omliggnde landn e belangryke zêe gewêest vor an commerce te kunn doen. Ook vor Holland bracht den handel met de landn round de Ôostzêe mêer geld up of met de VOC.

Ol binst de oudheid ountstound er een handelsverbiendienge tusschn 't Baltisch gebied en de Middellandsche Zêe die de noame krêeg van Barnstêenroute. Barnstêen, fossiel van boomhars die gewonn wierd van de denneboomn die groein in de Baltische kuststreke, wos styf geliefd vo te verhandeln. Ze maktn der juweeln van, medicyne en amulettn.

Riviern die uutmoundn in de Ôostzêe

De "Weichsel" in Pooln, "Oder" by de Pools-Duutsche grenze, "Westelyke Dvina" in Letland en de "Neva" in Rusland.

Trivia

• Handel me 't Ôostzêegebied wos crucioal vo de Republiek der Zeevn Verenigde Provinciën en vormde de basis vo de Goudn Êeuwe.

Referensjes

• Bronnn toet de geschiedenisse van den Ôostzêehandel 1122-1499 - resources.huygens.knaw.nl
• Bronnn toet de geschiedenisse van den Ôostzêehandel 1588-1625 - resources.huygens.knaw.nl

Ofbeeldiengn die ier by passn ku je vien in de categorie Baltic Sea van Wikimedia Commons.