Fjord
E fjord is e lange, smaln inham mè steile wandn of klifn die uytgesleetn zyn deur e gletsjer.
't Woord fjord komt van 't Noors en 't verwyst in vele gevaln noar e lange, smalle woatermassa. 't Noors woord is ofgeleid van 't Oednoors fjörðr en da komt van 't Oernoors woord ferþuz. Dat is gerelateerd an Germoansche woordn lyk fjärd in 't Zweeds, ford in 't Yngels, firth in 't Schots, furt in 't Duyts, voorde in 't Vlams, fjörður in 't Yslands.
De belangrykste streekn mè fjordn zyn:
- Westkust van Europa
- Faeröereilandn
- Westfjordn van Ysland
- Austurland in Ysland
- West Highlands van Schotland
- Noorweegn, heel de kust inclusief Spitsbergn
- Kola-schiereiland in Rusland
- Westkust van Nieuw-Zeeland
- Fiordland, in 't zuydwestn van 't Zuydereiland.
- Noordwestkust van Noord-Amerika
- Kust van Alaska, Verenigde Stoatn
- Kust van Brits-Columbia, Canada
- Hood Canal in Washington, Verenigde Stoatn
- Noordoostkust van Noord-Amerika
- Zuydwestkust van Zuyd-Amerika
- Chileensche fjordn en Patagonische kanoaln
- Isla de los Estados, Argentinië