Schubbebêest'n

Dat artikel es geschreevn in 't Noordelik West-Vlams.

Schubbebêest'n

Ryk:	Animalia (Bêest'n)
Stamme:	Chordata (Chordabêest'n)
Klasse:	Mammalia (Zoogbêest'n)

Orde

Pholidota
Weber, 1904

Schubbebêest'n (Pholidota) zyn 'n orde van zoogbêest'n. D' ênigste nog bestoande familie, de Manidae, hèt drie geslacht'n: Manis, Phataginus en Smutsia. Manis omvat vier sôort'n die in Azië leevn, binst da Phataginus en Smutsia elk twè sôort'n omvat'n, die allemoale in Afrika vôornkomn bezuud'n de Sahara. Die sôort'n varieern in grotte van 30 toet 100 cm. Der zyn ook ênigte uutgestorvn soort'n schubbebêest'n bekend. In 2023 wierd'n neegn sôort'n gerapporteerd.

Schubbebêest'n hèn grôte, beschermnde keratineschub'n, die qua materioal vergelykboar zyn mè vienger- en têennoagels, en die hunder vel bedek'n. Ze leevn in holle boomn of hooln, ofhankelik van de sôorte. Schubbebêest'n zyn nachtbêest'n en hunder dieet bestoat surtout uut miern en termiet'n, dan ze vangn met hunder lange toenge. 't Zyn mêestal solitaire bêest'n, die allêne moa t'hope komn vo te poarn en e nest van êen toet drie joengsjes grôot te briengn.

Schubbebêest'n word'n bedreigd deur stroperië (vanwege hunder vlêes en schub'n, die in de traditionele geneeskunde gebruukt word'n) en deur zwoare oentbossienge van hunder nateurlik'n habitat.

Ofbeeldiengn die ier by passn ku je vien in de categorie Pholidota van Wikimedia Commons.