Sint-Donoasprôosdy
De Sint-Donoasprôosdy is e triomfaliestiesch barok gebow ip de Burg in Brugge, en de vroegre oofdzeetl van de kerklikke hêerlykeid Sint-Donoas.
Vroegste geschiednisse
[bewerkn | brontekst bewerken]Oendre Robrecht I van Vloandern wierdn in 1089 de prôostn van de Sont-Donoaskateedroale erflik kanselier van 't Groafschap Vloandern.
In die oedoanigeid verzorgdn zydr niet allêene de groafelyke admieniestroasje, zydr bowdn ook e belangryke kerkelikke hêerlikeid uut mêt eur eign admieniestroasje en rechbank.
O Brugge in 1560 zyn êeste biskop, Petrus Curtius, krêeg, giengn de tietls van prôost en kanselier oovr ip de in 't totoal 17 biskoppn die de stad zoe kennn vôo 't ende van 't Ancien Régime.
Vanof de 17ste êewe
[bewerkn | brontekst bewerken]'t Teegnwôordige gebow uut 1665 van de Antwerschn asjetik Cornelis Verhouven is ipgetrokkn in e triomfaliestiesch barokke styl kenmerknd vo de kontrareformoasje.
De monumentoale deure was 'n inrypôorte vo peirdn en koetsn. Boovnip stoa Vrowe Justitia en ip 't oogste fronton vienje de Grieksche goodn van woareid, liefdoadigeid en rechtvoardigeid. De zes lienksche traveen (richtienge de Grôote Mart) zyn van 1907.
't Gebow is groendig gerestoreerd van 1972 toe 1974 en nog e ki ipgefrist in 2001. Teegnwôordig ôort 't by d' ambtweunienge van de goeverneur van West-Vloandern.